ကြီးပွားဖို့ ကြီးထွားစေ

တိုးတက် ကြီးပွားဖို့ ၊ ဘ၀ကို ရင်ဆိုင် နိုင်ဖို့ လောက တက္ကသိုလ်မှာ ကျွန်တော် ကျင်လည် နေစဉ် ကျွန်တော့် ဆရာမနှင့် တွေ့ခဲ့သည်။ စင်စစ် ဆရာမသည် ကျွန်တော့်ကို ငယ်စဉ်တောင်ကျေး ကလေး ဘ၀က စာသင် ပေးသူ ငယ်ဆရာမ ဖြစ်၏။ ဆရာမနှင့် တွေ့တော့ အသက် လေးဆယ်အရွယ် ကျွန်တော်သည် ပီဘိ ကလေးငယ်လို ဖြစ်သွား တော့သည်။ ကျောင်းသား ရနံ့ ၊ ကျောင်းရနံ့ လေးတွေ လွှင့်ပျံ လာသလို ခံစား ရပါသည်။ အမှတ် မထင် တွေ့ကြုံမှု ကိုက ခုခေတ် ပြောနေကျ ကိုရီးယား ကားတွေထဲက အတိုင်း ဆိုလျှင် မိုးနတ်မင်းကြီး ကျေးဇူး ကြောင့်လို့ ဆိုရမှာပါ။ ဆရာမကို ကန်တော့သော ကျောင်းသားဟောင်းများ ကန်တော့ပွဲ တစ်ခုမှာ တွေ့ရခြင်း ဖြစ်ပါသည်။ နှုတ်ဆက်ကြ၊ မျက်ရည် ဝေ့၀ဲ ငိုပွဲ လေးတွေ ၊ ၀မ်းသာ ကြည်နူး ပျော်မြူးတဲ့ ဟန်တွေ၊ ဝေေ၀ စည်စည် စည်စည် ကားကား။
   

အပြန် ကားပေါ် မတက် ခင်လေး ကျွန်တော်က လက်အုပ်ချီ နှုတ်ဆက် တော့ ဆရာမက ကျွန်တော့်ကို စကား တစ်ခွန်း ဆိုပါသည်။ သစ်ပင် ပေါ်က သစ်သီး တစ်လုံး ကြွေကျတာကို တွေ့ရသလို မထူးဆန်းသော အကြည့်ဖြင့် ညင်သာစွာ ပြောခဲ့ခြင်းပင်။ `ဘ၀မှာ အရေးကြီးဆုံး ကိစ္စရပ်ဟာ ကြီးထွား တိုးတက် လာဖို့ပဲလို့ ထင်တယ်´ ဆရာမက အဲဒီ အတိုင်း ဆိုပါသည်။ အပြန်လမ်း တစ်လျှောက်လုံး ကျွန်တော် သည်စကား အပေါ် စဉ်းစား မိပါသည်။ တွေးမိပါသည်။ နောက်တော့ နှစ်သက် သွားပါသည်။ တွေးလေ စဉ်းစားလေ နက်နဲလေ ပါပဲ။

စကားရဲ့သဘော

ဆရာမ၏ စကားကို ကျွန်တော် အခါခါ စဉ်းစားတိုင်း အကြိမ်ကြိမ် လက်ခံ နေမိပါသည်။ လူအများစု က `ဘ၀ဟာ ကံစီမံရာပဲ´၊ `ကံကောင်းရင် ကြီးပွားမှာ´၊ `ကံပဲဟ´ သည်လို စကား မျိုးတွေ ၀န်းကျင် မှာ ကြားနေ ရသည်။ ဒါကိုတော့ ကျွန်တော် ဘ၀င် မကျပါ။ ကြာတော့ ဒီအသိ ပေါ်မှာ မှီခိုချင်စိတ် မရှိပါ။ သည်တော့ စဉ်းစားရင်း အသိ ရလာသည်။ ကြီးပွားဖို့ ၊ ဘ၀ အောင်မြင်မှု ရဖို့ တိုးတက်ဖို့ ကြီးပွားမှု ရှိရမည်။ ကြီးထွားအောင် ကျင့်ကြံ ရမည်ဟု စဉ်းစား မိပါသည်။ သည် အသိကို သဘာဝ ကြီးကလည်း ပေးနေသည်လေ။ ကြည့်ပါ။ ဥပမာ သစ်ပင် ဖြစ်ဖို့ သစ်စေ့က လာရသည်။ အညှောက် ထွက်ရ၏။ အပင် ဖြစ်လာ၏။ ပြီးတော့ ကြီးလာ၊ နောက် အသီးတွေ ဝေရ။ သက်ရှိ သတ္တ၀ါ မှာရော သည်အတိုင်း ပါပဲ။ သက်ငယ်၊ သက်လတ်၊ သက်ကြီး ဖြစ်နေရ ပေသည်။ သည်ဖြစ်စဉ် အတိုင်းပေါ့။ဒါ ကြီးထွားမှု။ ဤသည်ကို ဂရုပြုမိ ကြပါရဲ့လား။

အတွင်းအပြင်

ကြီးပွားဖို့ ကြီးထွားစို့ ဆိုတာကို သတိပြု မိတိုင်း အသွင် နှစ်မျိုး တွေ့ရ ပြန်ပါတယ်။ တစ်ခုက အတွင်းစိတ်၊ တစ်မျိုးက ပြင်ပ အသွင် အပြင် ကြီးထွားခြင်း။ လူတစ်ဦး သည် ပြင်ပ အသွင် အပြင် ကြီးထွား သလို စိတ်အကြံအစည် လည်း ကြီးထွားဖို့ လိုပါသည်။ သူ့ရဲ့ လုပ်ဆောင်ချက်က ကြီးထွားမလာလျှင် ထိုသူ အောင်မြင် နိုင်ပါ့မလား။ စိတ်အား ကြံစည်မှု ကြီးထွား မှသာ အောင်မြင်သူ ဖြစ်လေမပေါ့။ အချို့က အသက် ကတော့ ကြီးပါသည်။ လုပ်ဆောင်ချက်မှာ ရပ်ဆိုင်း သွားပြန်၏။ သည် အတွက် ကျွန်တော် စဉ်းစား နေမိသည်။
   

ကြီးပွား တိုးတက် လိုသူတွေ အတွက် သော့ချက် တစ်ချက်ကို ကျွန်တော် တွေးမိ ပြန်သည်။ ဤသည်ကတော့ ကိုယ့်စိတ်၊ လုပ်ဆောင်မှု၊ အကြံဉာဏ်များ `ကြီးထွား´ လာဖို့ပဲ ဆိုတာ ဖြစ်သည်။ အသက် အရွယ်နှင့် အလိုက် ကိုက်ညီသော ကြီးထွားမှု တွေ ရှိရ ပေမည်။
   

လူအများစု သည် လတ်ဆတ်သော အကြံသစ်၊ လုပ်ဆောင်အား များကို နှစ်ပေါင်း များစွာ အားထုတ် လာကြသည်။ အသက်ကြီး၊ အရွယ်ရ လာတော့ စိတ်ကူး ဉာဏ်များ ထုတ်သော်လည်း စိတ်ဝင်စားမှု လျော့ရဲ လာကြ သည်။ လျှော့ပစ် ကြသည်။ မပွင့်လန်း ကြတော့၊ ရိုးရိုးပဲကွာ ဆိုပြီး ဆက်မကြိုးစားချင် ကြတော့။ သည်တော့ ကြီးပွားမှုနှင့် ဖီလာ ဆန့်ကျင် ဖြစ်ကုန် ကြတော့သည်။

ကြီးပွားချင်လျှင်

ကြီးပွား တိုးတက် လိုသူအဖို့ ကြီးထွား အောင် ကျင့်ရပါမည်။ ကိုယ်ပိုင် စိတ်ဓာတ် အားဖြင့် သမားရိုးကျ ဖြစ်နေသော အကြံများ၊ လှေကြီးထိုး ရိုးရိုး ဖြစ်နေသော အလုပ် များကို ဆော်သြ တပ်လှန့် ရပေမည်။ ကြီးထွား လာရန် အားထုတ် ရပါမည်။ မနှစ်က၊ မနေ့ကထက် မြင့်သော အကြံများ၊ အလုပ်များ ဖြစ်အောင် ကျင့်ကြံ လုပ်ကိုင်ရပေမည်။ ဒါသည် ကြီးထွားအောင် လုပ်တာ ဖြစ်သည်။ အတိတ်က လုပ်ရပ်များထက် ယခု ပစ္စုပ္ပန်အလုပ်များ၊ အကြံ များက သာအောင် ကြီးထွားအောင် ပြုမူ ရပေမည်။ ဒါသည်ပင် ဘ၀၏ ကြီးထွားမှု ဖြစ်သည်။ ကြီးထွားဖို့ ကြီးထွားခြင်းပဲ ဖြစ်လေသည်။

ထိုနှစ်ယောက်

ပညာရှင် အယ်လာဝှီးက ဆိုဖူးသည်။ `ကျုပ် တံငါသည် နှစ်ယောက်ကို တွေ့ဖူးတယ်။ တစ်ယောက်က လှေဟောင်းလေးကို တက်တစ်ချောင်းနဲ့ တစ်သက်လုံး လှော်ရင်း အသက် မွေးတယ်။ နောက် တစ်ယောက်ကတော့ သူ့လိုပါပဲ၊ ဒါပေမဲ့ အားလပ်ချိန်မှာ ဘ၀ကို သုံးသပ်တယ်၊ ကြံစည် တွေးခေါ်တယ်၊ တိုးတက် အောင်ကျင့်တယ်။ စက်ကိရိယာ တွေအကြောင်း လေ့လာပြီး စက်လှေ တစ်စင်း ဖြစ်အောင် လုပ်ဆောင် နေတယ်။ပြီးတော့ ပင်လယ်ပြင် ကိုထွက်ဖို့ ကြိုးစား နေတယ်။ သည်နှစ်ယောက် နောက်နှစ်မှာ တွေ့တယ်။ပထမ တံငါက ငါးနည်းနည်းပဲ ရပြီး၊ အဲ စက်လှေ အဆင့်ထိ လုပ်တဲ့သူက ငါးတွေ အများကြီး ရတာပဲ။ ဒါဟာ ကြီးထွားမှုကို ဂရုစိုက်သူနဲ့ မစိုက်သူတို့ ကွာခြားချက်ပဲ´

တကယ်တော့ ပင်ကို စွမ်းရည် အများကြီး ရှိသော လူငယ်တွေ တစ်ပုံ တစ်ပင် ရှိပါသည်။ ထိုစွမ်းရည်ကို ကြီးထွား လာအောင် အသုံးမချတတ်ပေ။ ဒီတော့ သာမန်အဆင့်ပဲ ဖြစ်နေ တော့သည်။ဘ၀ ရည်မှန်းချက်များ ပြည့်စုံရန် ခန္ဓာကိုယ် ကြီးထွားဖို့၊ အတွေးအခေါ် ကြီးထွားဖို့၊ အလုပ် အကိုင် ကြီးထွားလာဖို့ လိုပါသည်။ ကြီးပွား လိုသူသည် ကြီးထွားအောင် ကျင့်ကြံရမည်။ ကြီးထွားစေသော စိတ်ဓာတ်ကို အခေါင် အဖျားထိ ရောက်အောင် ပင့်တင် ကြိုးစား ရပေမည်။ ကိုင်း…….ကြီးပွားအောင် ကြီးထွားပါစေ။

ခုံတန်းအိုလေးရဲ့ ဒိုင်ယာရီ ( ပုညခင် )

 ပန်းခြံထဲမှာ ခုံတန်းတွေ အများကြီးရှိတဲ့ အထဲကမှ ချစ်သူစုံတွဲတွေက ကျွန်တော့်ကိုမှရွေးပြီး မျက်စိကျရတဲ့ အကြောင်းရင်းကလည်း ရှိခဲ့တယ်။ ကျွန်တော့်နေရာလေးဟာ အရမ်းကို သာယာအေးမြပြီး တိတ်ဆိတ်မှိုင်းညို့နေခဲ့တယ်။ ကျွန်တော့်ရှေ့မှာ စိမ်းလဲ့လဲ့ရေပြင်ရှိတယ်။ ကျွန်တော့်နောက်မှာ အမြစ်တွေ ပါးပြင်းထပြီး နွယ်ပင်တွေ ကန့်လန့်ကာချထားသလို ဖြာကျနေတဲ့ အလွန်ကြီးမား မှိုင်းညို့တဲ့ ကုက္ကိုပင်ကြီးရှိတယ်။ ကျွန်တော့်ဘယ်ဘက်မှာ ပန်းချုံတန်းအုပ်အုပ်လေးရှိပြီး ကျွန်တော့် ညာဘက်မှာ ကိုင်းညွတ်တဲ့ အခက်အလက်တွေ ဖြာဝေကျနေတဲ့ သစ်ပင်လေး တစ်ပင်လည်း ရှိသေးတယ်။ အဲဒီလို သဘာဝက ပြုပြင်ဖန်တီးပေးထားလို့ လုံခြုံအေးမြနေတဲ့ နေရာမျိုးကို ချစ်သူတွေ သဘောကျတယ်ဆိုတာ ဆန်းတော့လည်း မဆန်းပါဘူး။ တကယ်မဆန်းပါဘူး။ ယောက်ျားတစ်ယောက်နဲ့ မိန်းမတစ်ယောက်ဟာ သမီးရည်းစားဖြစ်သွားကြပြီးတဲ့နောက်မှာ အလုပ်မှ လုပ်ပါသေးရဲ့လား၊ တခြားသူတွေနဲ့တွေ့ဖို့ အချိန်မှ ရှိပါသေးရဲ့လားလို့တွေးပြီး ဦးနှောက်ခြောက်ရလောက်အောင်ပဲ ကျွန်တော့် ကျောပြင်လေးဟာ ပန်းခြံဖွင့်ချိန်ကနေ ပိတ်ချိန်အထိ တစ်ခါမှ အားရတယ်လို့ကို မရှိခဲ့ပါဘူး။ ကျွန်တော်ထမ်းပိုးဖူးခဲ့တဲ့ သမီးရည်းစားစုံတွဲတွေအကြောင်းကလည်း ပြန်ပြောပြရရင် တစ်ထောင့်တစ်ညပုံပြင်လိုမျိုး ရှည်လျားသွားနိုင်တယ်။ ပြန်ပြောရမှာ နည်းနည်းရှက်ပေမဲ့ ပြောတော့ပြောပြချင်သေးတယ်။ တချို့ အေးအေးဆေးဆေးစုံတွဲလေးတွေ ကျွန်တော့်ကျောပေါ် လာထိုင်ရင်တော့ ပြဿနာမရှိပါဘူး။ သူတို့က တစ်ယောက်အကြောင်းတစ်ယောက် အေးအေးဆေးဆေး ပြောဆိုတိုင်ပင်ကြတယ်။ ရှေ့ရေးကို ဆွေးနွေးကြတယ်။ ဘာမှလည်း ခြေလွန်လက်လွန် မရှိကြပါဘူး။ အလွန်းဆုံးမှ ကျွန်တော်နည်းနည်းစိတ်တိုချင်တယ်။ ကျွန်တော့်ကို အားလပ်ချိန်လေးတောင် မပေးကြတာများ ပြောပါတယ်။ ကျွန်တော့်ကျောပေါ်မှာ ထိုင်ခွင့်ရဖို့အရေး ဘယ်ကတည်းက စောင့်ချောင်းနေတယ် မပြောတတ်ပါဘူး။ တချို့စုံတွဲတွေကတော့ ကျွန်တော့ ကျောကုန်းပေါ်မှာ အေးအေးဆေးဆေး နွေးနွေးထွေးထွေးထိုင်ကြတာ မဟုတ်ဘူး။ သူတို့ချင်းပြဿနာတက်တဲ့ကိစ္စကို လာဖြေရှင်းရင်း ရန်ဖြစ်ကြတယ်လေ။ အဲဒီလိုအတွဲတွေလာရင်တော့ အာရုံနောက်တယ်ဗျာ။ တချို့ရှိသေးတယ်၊ နှစ်ချို့စုံတွဲတွေပေါ့။ သမီးရည်းစားတုန်းကတော့ ကျွန်တော့ကျောပေါ်မှာပဲ ကြင်နာနေကြပြီး သူတို့ချင်းညားသွားလို့ထင်ပါရဲ့ ရောက်မလာတာ အတော်ကြာပေါ့။ နောက်ကျမှ ဟိုဘက်ဒီဘက် ယောက္ခမပြဿနာတွေကို ယူလာပြီး ကျွန်တော့ကျောပေါ်မှာ လာရန်ဖြစ်ကြပြန်တယ်။ ကျွန်တော့်မှာ အပူလည်းသိရ၊ အအေးလည်းသိရ။ တည့်တုန်းကလည်း သူတို့ပဲ၊ မတည့်ကြတော့လည်း သူတို့ပဲ။ သူတို့ပြောတဲ့ အချစ်ဆိုတာ ကျွန်တော့်အတွက်တော့ သံဝေဂရစရာတွေချည်းပါပဲ။ တချို့ကလေးမလေးတွေအတွက်တော့ သူတို့မိဘတွေအစား ရင်လေးမိပါရဲ့ဗျာ။ ကောင်မလေးတွေ ကြည့်လိုက်ရင် နို့နံ့မစင်သလိုလေးတွေ။ ဒါပေမဲ့ ကျွန်တော့်ကျောပေါ်ရောက်ရင်တော့လားဗျာ...ဆယ့်နှစ်ကြိုးကဝေလား မှတ်ရတယ်။ သူတို့ကောင်လေးတွေကလည်း လက်ရဲဇက်ရဲ။ အရှက်ကို ကုန်ရော။ ကျွန်တော့်မှာ အသည်းတယားယားနဲ့ ကျွန်တော့ကျောပေါ်ကနေ ခါချပစ်လိုက်ချင်တာများလေ။ တချို့သက်ကြားအိုတွေကတော့ နည်းနည်းရယ်စရာကောင်းတယ်။ ဘယ်ကဘယ်လို ဘာတွေလဲတော့ မသိဘူး။ သမီးအရွယ် ငယ်ငယ်လေးတွေနဲ့အတူ ရောက်လာပြီး ကလေးရဲ့၊ မီးရယ်၊ အချစ်လေးရယ်နဲ့ ကိုယ့်သွားကျိုးသံကိုမှ ကိုယ်အားမနာ တွတ်ထိုးနေကြသေးတယ်။ လူကြည့်တော့ ထိပ်ပြောင်နေပါပြီ။ အရေခွံ ရော့ရိရော့ရဲနဲ့ ဆံပင်တွေတောင် ဖြူနေမင့်ဟာ။ ဒါပေမဲ့ ကျွန်တော့်ဆီတော့ တစ်လ လေးကြိမ်လောက်ရောက်တယ် ကိုယ့်လူရေ့။ ရောက်ရင်လည်း တော်တော်နဲ့ မပြန်တော့ဘူး။ သူနဲ့ပါလာတဲ့ ဟာလေးတွေကလည်း တစ်ခါလာတစ်ယောက်ပဲ၊ မထပ်စေရဘူး။ တချို့အတွဲတွေကျတော့ မနက် ပန်းခြံဖွင့်ချိန်ကတည်းက ကျွန်တော့်ကျောပေါ် လာဦီးထိုင်ကြတာ။ ခြင်ကိုက်လည်းမသိဘူး၊ ဖြုတ်ကိုက်လည်း မသိဘူး။ ဘာလုပ်နေကြသလဲဆိုတော့...။ ရယ်စရာကောင်းတဲ့ စုံတွဲတွေနဲ့လည်း တစ်ခါတစ်ခါ တွေ့ရသေးတယ်။ ဒီလောက်သာယာတဲ့ နေရာမှာ လာပြီး ဒီနေရာကို အကျိုးရှိရှိ အသုံးချရကောင်းမှန်းမသိတဲ့ လူမျိုးတွေပေါ့။ ယောက်ျားက အပျင်းကြီးတယ် ထင်ပါရဲ့။ ကျွန်တော့်ကျောပေါ် ရောက်တာနဲ့ ဒီနေရာလေးက အေးလိုက်တာကွာဆိုပြီး အိပ်တော့တာပဲ။ ကောင်မလေးခမျာ ဒင်း တခေါခေါ ဟောက်ပြီး အိပ်နေတာကို ငုတ်တုတ်လေး ထိုင်စောင့်နေရတာ သနားပါတယ်။ ကျွန်တော့အထင်ပြောရရင် ဟိုးလွန်ခဲ့တဲ့ ၁၅ နှစ်ကျော်ကာလက ကျွန်တော့်ကျောပေါ်မှာ လာထိုင်တတ်တဲ့ စုံတွဲတွေထက် ဒီဘက်ကာလမှာ လာထိုင်ကြတဲ့ သူတွေက ပိုပိုပြီး ပွင့်လင်းလာသလိုပါပဲဗျာ။ ကဲ ဒါတွေ ထားလိုက်ပါတော့။ အဓိကကျတဲ့ အကြောင်းအရာတစ်ခုကိုပဲ ပြောပါတော့မယ်။ ဒီမနက်ခင်းမှာ မိန်းကလေးတစ်ယောက်တည်း ကျွန်တော့ကျောပေါ်မှာ လာထိုင်တယ်။ အဲဒီမိန်းကလေးရဲ့ ငိုရှိုက်သံလေးက တအိအိနဲ့ မစဲဘူး။ သူမျက်ရည်တွေက ကျွန်တော့်ကျော်ပေါ် စိုလာတော့ ကျွန်တော်ပါ ရောငိုချင်စိတ်ပေါက်လာတယ်။ အဲဒီမိန်းကလေးကို ကျွန်တော် သိပ်သိတာပေါ့။ လွန်ခဲ့တဲ့ လေး၊ ငါး၊ ခြောက်လကမှ ချစ်သူနဲ့အတူ ကျွန်တော့်ကျောပေါ် ရောက်လာခဲ့တဲ့ မိန်းကလေး။ အဲဒီတလောကဆို ကျွန်တော့်ကျောပေါ်မှာ သူတို့ချည်းပဲလို့ ပြောရလောက်အောင် နေ့တိုင်းနီးပါး လာကြတယ်။ ကြင်နာယုယ စကားလေးတွေ ဆိုကြတယ်။ ခုတော့ မိန်းကလေးတစ်ယောက်တည်းရောက်လာပြီး ကျွန်တော့ကျောပေါ်ကို မျက်ရည်တွေ သွန်ချနေတယ်။ ပြီးတော့ ပါးစပ်ကလည်း တိုးတိုးလေး ရေရွတ်နေသေးတယ်။ `ရက်စက်လိုက်တာ ကိုကိုရယ်။ ကျွန်မမှာ ဘာအပြစ်ရှိလို့လဲ။ ကျွန်မ ဘာလုပ်မိလို့ ထားခဲ့ရတာလဲ` မိန်းကလေးက အဲဒီလိုပြောပြီး ငိုပြန်တယ်။ အငိုတိတ်တော့ သနားစရာမျက်နှာလေးနဲ့ ရေပြင်ဆီငေးမော တိတ်ဆိတ်နေပြန်တယ်။ ခဏကြာတော့ မိန်းကလေးရဲ့သူငယ်ချင်လို့ထင်ရတဲ့ ကောင်မလေးတစ်ယောက် ရောက်လာတယ်။ မိန်းကလေးကို ချော့မော့ဖျောင်းဖျတယ်။ မိန်းကလေးကလည်း သူငယ်ချင်းကို ဖက်ငိုပြီး ရင်ဖွင့်ရှာတယ်။ `ငါသူ့ကို သိပ်ချစ်ခဲ့တာပါဟာ။ ငါ့ဘ၀မှာ သူ့တစ်ယောက်ကိုပဲ ချစ်ခဲ့ဖူးတာပါ။ နောက်လည်း သူ့အပြင် ဘယ်သူ့ကိုမှ ချစ်နိုင်တော့မှာ မဟုတ်ပါဘူး။ သူလည်း ငါ့ကို တကယ်ချစ်ခဲ့တာ ငါသိပါတယ်။ သူကလေ အမြဲပြောတတ်တယ်။ ငါ့ဆံပင်လေးတွေကအစ သူသိပ်ချစ်တာပဲတဲ့။ ငါ့ဆံပင်တွေကို အမြဲဖြီးပေးတယ်။ တယုတယ နမ်းသေးတယ်။ ငါ့ကို ရိုးသားပြီး ချစ်စရာကောင်းလို့၊ ယဉ်စစ ပုံစံလေးမို့လို့ သူအရမ်းသဘောကျပြီး ချစ်သွားခဲ့တာတဲ့။ ငါကမှ သူ့ဘ၀ကြီးကို သာယာစေခဲ့တဲ့ သူတဲ့` မိန်းကလေးက အဲဒီလို တမ်းတမ်းတတပြောလေ ကျွန်တော့်မှာ စိတ်ဆင်းရဲရလေပဲ။ ကျွန်တော်သိထားတဲ့ အကြောင်းအရာတွေကို ပြောလိုက်ရင် အဲဒီမိန်းကလေး ဘယ်လောက်အံသြ တုန်လှုပ်သွားမလဲ။ ဒါပေမဲ့ ကျွန်တော် ဘယ်လိုပြောနိုင်မှာလဲ။ ကျွန်တော့်ကျောပေါ်မှာ လာထိုင်တဲ့ သူတွေရဲ့ အရှုပ်အထွေးတွေ၊ လှည့်စားမှုတွေ၊ ညစ်ပတ်မှုတွေ၊ အတွင်းရေးတွေ အားလုံးကို ကျွန်တော်သိထားတယ်။ ကျွန်တော်သာ စကားပြောတတ်တဲ့ သက်ရှိလူတစ်ယောက်ဖြစ်ခဲ့ရင် မဖြစ်သင့်တာ မဖြစ်ရအောင် ပြောပြမိမှာပဲ။ မိန်းကလေးရဲ့ အငိုဟာ တော်တော်နဲ့ မတိတ်ဘူး။ အဲဒီနေ့က ပြန်သွားပြီး နောက်နေ့တွေလည်း ကျွန်တော့်ကျောပေါ်မှာ တစ်ယောက်တည်း ငူငူငေါင်ငေါင်ကြီး လာထိုင်နေတတ်တယ်။ မိန်ကလေး အဲဒီလိုလာထိုင်လေ ကျွန်တော့်မှာ အသည်းတယားယားဖြစ်ရလေပဲ။ မိန်းကလေး တမ်းတနေတဲ့ မလွမ်းလောက်တဲ့ လူတစ်ယောက်အကြောင်းကို ကျွန်တော် ပြောပြချင်လိုက်တာ။ အဲဒီလူကို ကျွန်တော်စသိခဲ့တာ လွန်ခဲ့တဲ့ ၁၅ နှစ်ကတည်းကပါ။ အဲဒီအချိန်က ကျွန်တော်ကလည်း ငယ်ရွယ်နုပျို သစ်လွင်နေတဲ့အချိန်၊ သူကလည်း တက်ကြွလန်းဆန်းတဲ့ လူပျိုရွယ်လေးပဲ ရှိသေးတဲ့အချိန်ပေါ့။ အချစ်ဦးလို့ ယူဆရတဲ့ သူ့မိန်းကလေးနဲ့အတူ ကျွန်တော့ကျောပေါ်မှာ သူ စထိုင်ခဲ့တယ်။ ပထမဦးဆုံး ထိုင်ခဲ့တဲ့သူမို့လည်း ကျွန်တော်ပိုပြီး မှတ်မိနေခဲ့တာပါ။ သူ့ကောင်မလေးရဲ့ ရှည်လျားပြီး လှပဖြောင့်စင်းတဲ့ ဆံနွယ်တွေဟာ ကျွန်တော့် ကျောပေါ်မှာ ပုံအိကျနေတယ်။ အဲဒီလူဟာ ကောင်မလေးကို အရိပ်တကြည့်ကြည့်၊ ကောင်မလေးဆံပင်တွေကိုလည်း အရိပ်တကြည့်ကြည့်ပဲ။ ကောင်မလေးကို နမ်းရင် ဆံပင်တွေကိုလည်း နမ်းတာပဲ။ ဆံပင်ရှည်ကို တော်တော်သဘောကျပုံရပါတယ်။ ပြီးတော့ အဲဒီလူက ပြောသေးတယ်။ `စုက ဆံပင်ရှည်ရှည်လေးနဲ့ အရမ်းချစ်စရာကောင်းတယ်၊ ပြီးတော့ စုပုံစံလေးက လုံးဝမကလက်ဘူး၊ အရမ်းယဉ်တယ်။ မျက်နှာလေးကလည်း ရိုးသားတဲ့ပုံလေးကို ပေါ်နေတာပဲ` တဲ့။ ပြီးတော့ အဲဒီလူက သာယာလိုက်တာနော်၊ ကိုယ်တို့ ဒီခုံလေးမှာပဲ အမြဲ လာလာထိုင်ကြရအောင်`တဲ့။ အဲဒီလိုနဲ့ အဲဒီလူဟာ သူပြောခဲ့တဲ့အတိုင်း ကျွန်တော့်ဆီ မကြာခဏ ရောက်ရောက်လာခဲ့တာ။ သူ့ကောင်မလေးကို လက်ထပ်ခွင့်တောင်းခဲ့တဲ့နေ့အထိပဲ။ အဲဒီနေ့မှာ သူတောင်းခဲ့တဲ့ လက်ထပ်ခွင့်ကို ကောင်မလေးကလည်း ခေါင်းညိတ်လက်ခံခဲ့ပါတယ်။ အဲဒီနေ့ကစပြီး သူတို့ ကျွန်တော့်ဆီ ရောက်မလာကြတော့ဘူး။ နောက်တော့ ကျွန်တော့် ကျောပေါ် တစ်တွဲတက် တစ်တွဲဆင်းနဲ့မို့ မအားလပ်ရတာနဲ့ အတွဲသစ်တွေကို စိတ်ဝင်စားရင်း၊ စူးစမ်းလေ့လာရင်း သူတို့အတွဲကိုလည်း ကျွန်တော် မေ့နေခဲ့ပါတယ်။ ဒါပေမဲ့ နောက် ၁၅ နှစ်အကြာ လွန်ခဲ့တဲ့ လေး၊ ငါး၊ ခြောက်လကမှ အဲဒီလူဟာ စောစောက ငိုနေတဲ့ မိန်းကလေးနဲ့အတူ ကျွန်တော့်ကျောပေါ် ပြန်ရောက်လာခဲ့တယ်။ `ကလေးက ချစ်စရာလေးကွာ၊ ဆံပင်ရှည်လေးနဲ့မို့လို့ ပိုပြီး ချစ်စရာကောင်းနေတာလား မသိဘူး။ ကလေးပုံစံလေးက ရိုးရိုးယဉ်ယဉ်လေးနဲ့ ချစ်စရာကောင်းလိုက်တာ´ အဲဒီနေ့က အဲဒီစကားသံကြောင့် ကျွန်တော့် အာရုံတွေ နိုးကြားလာခဲ့ရတာပေါ့။ နေဦး၊ ဒီအပြောမျိုး ကြားဖူးပါတယ်လို့ ပြန်စဉ်းစားလိုက်တော့ လွန်ခဲ့တဲ့ ၁၅ နှစ်က ပထမဦးဆုံး တွေ့ဖူးခဲ့တဲ့လူ ဖြစ်နေတယ်။ သူ့မိန်းကလေးရဲ့ ဆံပင်ရှည်တွေဟာ ကျွန်တော့ကျောပေါ် ဖြာဝေကျလို့။ သူ့မိန်းကလေးအရွယ်ဟာ လွန်ခဲ့တဲ့ ၁၅ နှစ်လောက်က ကျွန်တော်တွေ့ဖူးတဲ့ သူ့ကောင်မလေးအရွယ်ပဲ။ ဒါပေမဲ့ သူကတော့ အဲဒီအရွယ် မဟုတ်တော့ဘူး။ အသက် ၄၀ လောက်ဖြစ်နေပြီ။ သူ့မိန်းကလေးအသက်က ၂၀ ကျော် အရွယ်လေးပေါ့။ သူ့မိန်းကလေးအသစ်လေးကို ကြည့်ရင်း အရင်မိန်းကလေးရော ခုနေဆို ဘယ်ပုံဖြစ်နေမှာပါလိမ့်လို့ မှန်းဆကြည့်မိတယ်။ ခုလောက်ဆို ၀ပြီး ဆံပင်တွေလည်း အရင်လောက် လှပါတော့မလား။ ကလေးမွေးရတာနဲ့ ဘာနဲ့ဆို ကျွတ်ထွက်တာလည်း ရှိမှာပဲ။ ဆံပင်တိုလေးနဲ့တောင် ဖြစ်နေလောက်ပြီပေါ့။ ဒီလူကတော့ အရင်လို နုပျိုတုန်းပဲဗျို့။ သူ့မိန်းကလေးရဲ့ ဆံပင်တွေကိုလည်း နမ်းလိုက်တာများ ဟိုး လွန်ခဲ့တဲ့ ၁၅ နှစ်လောက်က နမ်းပုံမျိုးပဲ။ ဂရုစိုက်ယုယပုံကလည်း ဟိုးလွန်ခဲ့တဲ့ ၁၅ နှစ်လောက်က အတိုင်းပါပဲ။ ကျွန်တော့်မှာသာ ကြားထဲက မခံချိမခံသာ ဖြစ်နေရတာ။ မိန်းကလေးခမျာမှာတော့ ရိုးရိုးသားသားပုံမျိုးလေးနဲ့ ဘာကိုမှလည်း သံသယ၀င်ပုံ မပေါ်ခဲ့ပါဘူး။ သူပြုသမျှ နုရတာပဲပေါ့။ ဒီလိုနဲ့ ကျွန်တော့်ဆီ ခဏခဏလာလိုက်ကြတာ တစ်နေ့ အဲဒီလူ ကျွန်တော့်ကျောပေါ် လာထိုင်ပြီး သူ့မိန်းကလေးကို စောင့်နေတုန်းမှာ ဆံပင်တိုနဲ့ မိန်းမ၀၀တစ်ယောက် ရောက်လာပြီး ရန်တွေ ထဖြစ်ကြပါရောဗျာ။ `ရှင်က ဒီမှာ ဘာလာလုပ်နေတာလဲ။ မသင်္ကာလို့ ကျွန်မလိုက်လိုက်ချောင်းနေတာကြာပြီ။ အခုရှင့်ကောင်မလေး ဘယ်မှာလဲ` နှုတ်အာကြမ်းကြမ်းနဲ့ အဲဒီ မိန်းမကို ကျွန်တော် သေချာကြည့်မိတော့မှ လွန်ခဲ့တဲ့ ၁၅ နှစ်လောက်က ကျွန်တော့် မိတ်ဆွေဟောင်းကြီးမှန်း သိလိုက်ရတော့တယ်။ အဲဒီမိန်းမမှာ ဆံပင်ရှည်တွေလည်း မရှိတော့ဘူး။ လူကလည်း ၀ဖိုင့်ဖိုင့်နဲ့ ခါးပျောက်နေပြီ။ အဲဒီလူဟာ သူ့မိန်းကလေး ရောက်မလာခင် သူ့မိန်းမကို အမြန်နားချပြီး ပြန်ဆွဲခေါ်သွားနိုင်တယ်။ သီသီလေးပဲဗျို့ မကြာဘူး ဟိုမိန်းကလေး ရောက်လာတယ်။ မိန်းကလေးခမျာ တမျှော်မျှော်နဲ့ ပန်းခြံပိတ်တော့မှ တစ်ယောက်တည်း ခေါင်းငိုက်စိုက်နဲ့ ပြန်သွားရှာတယ်။ သနားစရာကောင်းပေမဲ့ ကျွန်တော်လည်း အကြောင်းစုံ ဖွင့်ဟ မပြောပြနိုင်ခဲ့ဘူး။ ဒီလိုနဲ့ အဲဒီမိန်းကလေးဟာ ခုလို ကျွန်တော့်ဆီမှာ တိတ်တိတ်ဆိတ်ဆိတ် လာထိုင်ရင်း ငိုကြွေးနေခဲ့တော့တာပဲ။ မိန်းကလေးဟာ နောက်တစ်လလောက်ကြာတဲ့အထိ ကျွန်တော့်ဆီ ရောက်ရောက်လာတတ်သေးတယ်။ နောက်တော့ သူလည်း ပျောက်သွားတယ်။ ဟိုလူလည်း ပေါ်မလာတော့ပါဘူး။ ထုံးစံအတိုင်း ကျွန်တော်လည်း တခြားအတွဲတွေနဲ့ စခန်းသွားရင်း သူတို့ကို မေ့သွားပြန်ပါတယ်။ နောက်ခြောက်လလောက်ကြတော့ ဟိုလူပြန်ရောက်လာတယ်။ နောက်ထပ် ဆံပင်ရှည်မလေးတစ်ယောက်နဲ့။ ကျွန်တော် အရင်က ကြားခဲ့ဖူးတဲ့ စကားတွေကိုပဲ ထပ်ပြောတယ်။ ကျွန်တော် အရင်က မြင်ဖူးတဲ့ ယုယပုံမျိုးနဲ့ပဲ ယုယတယ်။ ကျွန်တော်လည်း အဲဒီလူအကြောင်းကို သဘောပေါက်သွားတယ်။ အဲဒီလူဟာ ဒီမိန်းကလေးမို့လို့ ဒီလို၊ ဟိုမိန်းကလေးမို့လို့ ဟိုလို ချစ်မယ့်သူမဟုတ်ဘူး။ ဆံပင်ရှည်ကို သဘောကျတဲ့သူ ဖြစ်တဲ့အတွက်၊ ယဉ်စစပုံစံကို ကြိုက်တဲ့သူဖြစ်တဲ့အတွက် ဘယ်မိန်းမမျိုးမဆို ဆံပင်ရှည်ရင်၊ ယဉ်ရင် ကြိုက်မှာပဲ။ သူ ယုယတတ်တဲ့ ပုံစံအတိုင်း ဘယ်သူ့ကိုမဆို ယုယမှာပဲ။ ဒါကို မသိရှာတဲ့ ဟိုမိန်းကလေး ခမျာသာ တသသနဲ့ ကျွန်တော့်ဆီလာလာ ဆွေးနေခဲ့ရတာ။ ကျွန်တော်သာ စကားပြောတတ်တဲ့ လူတစ်ယောက်ဖြစ်ခဲ့ရင် ကျွန်တော့်ဆီ တစ်လလောက် လာငိုသွားတဲ့ မိန်းကလေးကို ဒီအကြောင်းတွေ ပြောပြချင်လိုက်တာ။ ဒီလိုနဲ့ပဲ နောက်တစ်နှစ်အကြာ၊ ငှက်လေးတွေ စိုးစီညံနေတဲ့ သာယာတဲ့ မနက်ခင်းလေးမှာ ကျွန်တော့်ကျောပေါ်က နှစ်ကိုယ်တူ ရယ်မြူးသံလေးတွေကြားလို့ ကျွန်တော်မော့ကြည့်မိတော့ လား...လား... အလွမ်းမင်းသမီးလေးပါလား။ ကျွန်တော့်ဆီ တစ်လလောက် လာငိုသွားဖူးတဲ့ အဲဒီအလှည့်စားခံ မိန်းကလေးဟာ ခုတော့လည်း သက်တူရွယ်တူ အချစ်သစ်နဲ့ ပျော်မြူးနေလိုက်တာများ လွမ်းခဲ့တာ သူမဟုတ်ခဲ့သလိုပါပဲ။ အေးလေ မေ့သင့်တဲ့သူကို မေ့ပြီး ခုလိုနှလုံးသားအသစ်နဲ့ ချစ်နိုင်ရင် သူ့အတွက်ကောင်းတာပါပဲလို့ ကျွန်တော် စိတ်အေးသွားတဲ့ အချိန်မှာပဲ အဲဒီမိန်းကလေးရဲ့ ချစ်သူသစ်ကို ကျွန်တော်မှတ်မိသွားတယ်။ မြတ်စွာဘုရား... သူလည်း ကျွန်တော့်ရဲ့ ဖောက်သည်ဟောင်းကြီးပါပဲလား။ ကျွန်တော်ဟာ ကျွန်တော့်ဆီရောက်လာကြတဲ့ ချစ်သူစုံတွဲတွေရဲ့ အချစ်ဆိုတာကို သံဝေဂယူရင်း၊ သူတို့ချင်းမသိကြတဲ့ လျှို့ဝှက်ချက်တွေကို သိထားရင်း၊ ကဲလွန်း သဲလွန်းတဲ့ စုံတွဲတွေရောက်လာတိုင်း မျက်စိစုံမှိတ် အသက်ရှူရရင်း တဖြည်းဖြည်း အိုမင်းလာခဲ့ရပါတယ်။ မိုးတွေ ဖြိုင်ဖြိုင်သွန်းစေပြီးစ မှိုင်းညို့စိုစွတ်တဲ့ ညနေခင်းတစ်ခုမှာတော့ ကျွန်တော့်ကျောပေါ်ရောက်လာပြီး တော်တော်နဲ့မပြန်ဘဲ မျက်စိရှက်ဖွယ် ကဲလွန်း သဲလွန်းနေတဲ့ စုံတွဲတစ်တွဲကို အမြင်ကတ်လွန်လွန်းလို့ ထင်ပါရဲ့ ကျွန်တော့်ကျောပြင်လည်း ဗြုန်းခနဲ ကျိုးကျသွားခဲ့တယ်။ `အမလေးဗျ` ကျွန်တော့်ဆီ ခဏခဏလာနှိပ်စက်တတ်လွန်းတဲ့ ငရှုပ်တစ်ယောက်ရဲ့ အလန့်တကြား အော်ဟစ်သံကို ကြားလိုက်ရတော့ ကျွန်တော့်မှာ ကျွန်တော့်ကျောရိုးတစ်ချောင်း ဒင်းဖင်စူးနေတာတောင် သတိမရတော့ဘဲ နှစ်ထောင်းအားရ ကျေနပ်နေမိပါတော့တယ်။ ပုညခင်

ကျွန်မ ဆိုင်ခန်းလေး

 ညအိပ်ရာဝင်တိုင်း ကျွန်မရဲ့စိတ်ထဲမှာ `မနက်စောစော ဆိုင်ထဖွင့်ရမယ်’ ဆိုတဲ့ အသိ ဝင်ဝင်လာပါတယ်။ ဒါဟာ ကျွန်မရဲ့ `ဇောစိတ်’ ပါပဲ။ ပရိယေသနဝမ်းစာအတွက် ဒီအလုပ်ကို ကျွန်မ မလုပ်မဖြစ် လုပ်ရမှာပဲ။ အဲသလို ခံယူ ချက်ပြင်းပြင်းရှိထားတယ်လေ။ ဆိုင်မှာရှိတဲ့ ပစ္စည်းလေးတွေကို ခင်းကျင်း ပြင်ဆင်ရင်း ရောင်းချင်တဲ့စိတ်၊ ရောင်းရချင်တဲ့ လောဘနဲ့အတူ ကျွန်မရဲ့ စိတ်ထဲမှာ ဒီပစ္စည်း လေးတွေရဲ့ `အသုံးဝင်မှု’ ဟာ လိုအပ်နေသူ (ဝယ်ယူအားပေးမယ့်လူ)အတွက် တိုက်တိုက် ဆိုင်ဆိုင်၊ ထိုက်ထိုက်တန်တန် ရသွားပါစေဆိုတဲ့ သဘောလေးလည်း ဖြစ်ဖြစ်လာတတ်ပါတယ်။ ကျွန်မရဲ့ ဆိုင်လေးမှာ ကျွန်မ ရင်းနှီးမြှုပ်နှံ ထားရတဲ့ ငွေကြေးပမာဏနဲ့ လိုက်လျောညီထွေတဲ့ `တစ်နေ့ဝင်ငွေ’ မရမချင်း ကျွန်မ ဂနာမငြိမ်ပါ။ လောဘဇောတွေ တလိမ့်လိမ့်တက်နေပါတယ်။ လောဘအားကြီးနေချိန်မှာတော့ ဒေါသကလည်း ခေါင်းပြူထွက်နေတယ်လို့ ကျွန်မ ထင်ပါတယ်။ အဲဒီဒေါသဟာ ဝယ်သူနဲ့ အဆင်မပြေရင် ခုန်ပေါက်ထွက်လာလေရဲ့။ အဲဒီနေ့က ကျွန်မ စိတ်မကောင်းဖြစ်ရတော့တာပါပဲ။ `အသိစိတ်’ ဟာ နောက်ကျမှာပဲ ပေါက်လာရောက်လာလေတော့ ကျွန်မရဲ့ ခံစားမှုဟာ တနုံ့နုံ့နဲ့၊ တဖြည်း ဖြည်းချင်းပဲ ဒီဂရီချယူရတယ်လေ။ အရောင်းသမားကောင်းတစ်ယောက် ဖြစ်ဖို့ ကျွန်မမှာ ဆန္ဒရှိပါတယ်။ တက်ကျမ်းတွေ လည်း ကျွန်မ ဖတ်ဖူးပါရဲ့။ ဒါပေမဲ့ According to the big book စာအုပ်ကြီးအတိုင်း လုပ်ဖို့ လက်တွေ့မှာ မလွယ်လှပါဘူး။ ဒီကနေ့တော့ အားလုံးနဲ့ အဆင်ပြေအောင် နေမယ်ဆိုပြီး ပြင်ဆင်ခဲ့တာချည်းပါပဲ။ ဈေးဝယ်လာသူအပေါင်းဟာလည်း လူမျိုး တစ်ရာ့ တစ်ပါး ဆိုတော့ သူတို့စိတ်နဲ့ကိုယ့်စိတ် အခန့်မသင့်ရင် ကိုယ့်ရဲ့မာနက ရှေ့တန်းက နေရာယူပစ်တော့တာပဲ မဟုတ်လား။ ခက်ပါရဲ့ရှင်...။ ဈေးစရောင်းကတည်းက ဝယ်သူ့ပါးစပ်က `ဈေးကြီးလိုက်တာ’ လို့ ပြောတဲ့စကားဟာလည်း ကြားနေကျပါပဲ။ ဘယ့်နှယ်ရှင်... အဲဒီပစ္စည်းကို ဟိုတုန်းက ငါးရာနဲ့ရောင်းခဲ့တော့လည်း ဒီစကားပဲ။ ခု ဒီပစ္စည်းပဲ ငါးထောင်ဖြစ်သွား တော့လည်း ဒီစကားပဲ။ ကျွန်မရဲ့ ဈေးရောင်း သက်နှစ်ပေါင်း နှစ်ဆယ်အတွင်း ပြောင်းလဲမှု အပေါ် မပြောင်းလဲခဲ့တဲ့ ဒီစကား။ စိတ်ပေါက် ပေါက်နဲ့ အလကားပေးပစ်ရင်တောင် နှစ်ခု တောင်းမယ့်လူတွေ။ ကျွန်မသိတာပေါ့။ `အကြွေးမရောင်းရင် ဈေးရောင်းပါးမယ်’ ဆိုတဲ့ ဩဝါဒလက်ခံပြီး ယုံကြည်ရမယ့်သူတွေကို အကြွေးပေးခဲ့ပါတယ်။ အရောင်းကတော့ သွက်သလားမမေးနဲ့၊ ကျွန်မတို့လူမျိုးတွေက အကြွေးရရင် ဆင်တောင်ဝယ်မှာဆိုတာ ဟုတ်လောက်တယ်။ အြွေကးစာရင်းစာအုပ် ထူထူထဲထဲကြီးကို တစ်ခါတစ်ရံ လှန်လှော ကြည့်ရင်း `ယုံကြည့်မှုအလွဲများ’ ကို တွေ့ရတော့ ကုသိုလ်ပြုစာရင်းထဲ ထည့်ရမလိုဖြစ်သွားတယ်။ စိတ်များတောင်ပျက်မိပါရဲ့။ နောက်တစ်ခါပြောရရင် `ဣဿာ’ ဆိုတဲ့ မနာလိုတဲ့စိတ်ဟာ အတော့်ကို ဆန်းကြယ် တယ်ရှင့်။ ကျွန်မလေ ကမ္ဘာမှာ အချမ်းသာဆုံးဆိုတဲ့ ပုဂ္ဂိုလ်တွေကို တစ်ခါမှလှမ်းပြီး မနာလိုစိတ် မဖြစ်ဖူးဘူး။ ကျွန်မတို့မြို့က အရောင်းအဝယ် အလွန်ဖြစ်တဲ့ စတိုးဆိုင်ကြီးတွေ၊ ပွဲရုံလုပ်ငန်း ကြီးတွေ၊ စက်ကိရိယာပစ္စည်းဆိုင်တွေ အဲသလို သိန်းချီဝင်ငွေရှိနေတဲ့ သူတွေကိုလည်း တစ်ခါမှ မနာလိုတိုရှည်မဖြစ်ဖူးဘူး။ မှန်တာပြောရင် ဒီတစ်လ အောင်ဘာလေထီ သိန်း ၁၀ဝ၀ ဆု ပေါက်ရပါစေရဲ့...။ ကျွန်မမှာ ကျွန်မနဲ့ လုပ်ငန်းတူ၊ ပြီးတော့ ပိန်မသာလိန်မသာ အခြေအနေချင်းတူပြီး နေ့စဉ်လိုလို မြင်တွေ့နေရတဲ့ ဆိုင်နားနီး `မသာမိ’ ကိုတော့ ဖြစ်လိုက်ရတဲ့ မနာလိုစိတ်၊ အကုသိုလ် နေ့တိုင်းပွားနေရပါသရှင်။ မှန်တာ ပြောရရင် သိန်း ၁၀ဝ မင်္ဂလာစုံတွဲဆုကြီးကို အက္ခရာစုံ အတွဲလိုက် အအုပ်လိုက်ပေါက်ရပါစေ ရဲ့...။ ထီထိုးရတာလည်း ကုန်လိုက်တဲ့ငွေ။ ကျွန်မ ထီထိုးတဲ့ငွေတွေသာ စုထားခဲ့မယ်ဆိုရင် ခပ်သင့်သင့်အိမ်လေးတစ်လုံးလောက်တော့ ဆောက်လို့ရမယ်ထင်မိပါရဲ့။ တော်ရုံသိန်းဆု လေးပေါက်ရုံတော့ဖြင့် အရင်းတောင် ကျေမှာ မဟုတ်ဘူး။ အဲသလိုသာပြောချင်တော့တယ်။ ထိုးခဲသမျှ ထီလက်မှတ်တွေလည်း သေတ္တာ ဟောင်းတစ်ခုထဲ ကျွန်မ စုထားခဲ့တာ အတော် များနေပါပြီ။ တကယ်လို့ အောင်ဘာလေထီရုံး က ထီလက်မှတ် ဘယ်၍ဘယ်မျှ တင်ပြနိုင်သူ အား `ကရုဏာကြေး’ အနေနဲ့ အဘယ်မျှ ဆုချ မည်လို့များ ကြေညာခဲ့ရင်ဆိုတဲ့ မျှော်လင့်ချက်နဲ့ ပေါ့။ လူရယ်စရာများ ဖြစ်ကုန်ပြီလား မသိ။ ပုထုဇဉ်မှန်သမျှ အရူးချည်းပဲလို့ ဘုရားဟောခဲ့ တာ ကျွန်မလို လူတွေ များနေလို့ဖြစ်မယ်။ အဲသလို ဖြေယူရတယ်ရှင့်။ ဟုတ်တယ် မဟုတ်လား။ ကျွန်မ ကျောင်းနေစဉ်က ဖတ်ခဲ့ဖူးတဲ့ စာလေးတစ်အုပ်ထဲက အကြောင်းအရာလေး တစ်ခု သတိရတယ်။ ကမ္ဘာ့အသက်အရှည်ဆုံး အဘွားကြီး ဘွားသက်ရှည်ရဲ့စကားပါပဲ။ သူ့ကို စာနယ်ဇင်းသမားတွေက မေးကြတာပေါ့။ အခုလို အသက်ရှည်အောင် ပြီးတော့ ကျန်းမာ အောင် ဘယ်လိုနေထိုင်နိုင်ခဲ့ပါသလဲပေါ့။ အဲဒီမှာ သူ ဖြေခဲ့တာက စားတာကလည်း ပုံမှန်ပါ ပဲ။ ဝတ်တာကလည်း ပုံမှန်ပါပဲ။ နေတာထိုင်တာကလည်း ပုံမှန်ပါပဲတဲ့။ ဘာဆေးဝါးကောင်း ကိုမှလည်း ထူးထူးထွေထွေ မမှီဝဲပါဘူးတဲ့။ တစ်ခုတော့ရှိတယ်။ ကျွန်မ သတိပြုမိတာက လေ..တဲ့။ ခေါင်းပူမခံဘူး၊ ကျောပူမခံဘူး၊ ဖင်ပူ မခံဘူးတဲ့။ ဒါပါပဲ...တဲ့။ ကျွန်မလေ သဘောကျလွန်းလို့ မှတ်မိနေတာပါ။ သိပ်ပညာပါတာပဲ။ သူဟာ သောက အဖြစ်မခံဘူး၊ ကြာရှည်မအိပ်ဘူး၊ ကြာရှည် မထိုင်ဘူး၊ အမြဲ နှလုံးစိတ်ဝမ်းအေးချမ်းစွာနဲ့ အအားမနေ၊ ဇိမ်မခံဘဲ လှုပ်လှုပ်ရှားရှား တက်ကြွစွာနဲ့ လုပ်စရာရှိတာတွေကို လုပ်နေခဲ့ တယ်လို့ ကျွန်မ သဘောပေါက်တယ်လေ။ ကျွန်မဟာ သဘောကျ အားကျဖြစ်ခဲ့ပေမဲ့ သူ့လို မနေနိုင်ခဲ့ပြန်ဘူး။ ဈေးသည်ပီပီ သောကတွေကလည်း အကြောင်းအမျိုးမျိုးနဲ့ ဖြစ်လိုက် ရတာ။ ခေါင်းပူတာမှ ခေါင်းခြောက် လောက် အောင်ပါပဲ။ တစ်နေကုန် ဈေးဝယ်လာလာ မလာလာ ဆိုင်ထိုင်နေရတာကလည်း ဖင်ကိုပူလို့။ မရိုသေ့စကား ဖင်ဂျွတ်တက်မတတ်ပါပဲ။ညကျတော့ စိတ်ပန်းကိုယ်နွမ်းနဲ့ အိပ်ပစ်ရတာ ပေါ့။ ဒါပေမဲ့ တစ်ခုတော့ရှိတယ်။ ကျွန်မကျောပူ အောင်တော့ မအိပ်ရပါဘူး။ မနက်အရုဏ်မတက်ခင် ထတာချည်းပါပဲ။ ကိုယ့်အပူနဲ့ကိုယ် လေ။ ဒီတော့ ဘယ့်နှယ်လုပ် ကျွန်မ ကျန်းမာ ရေးကောင်းနိုင်တော့မလဲ။ အခု ၄၀ ကျော် ၅၀ မပြည့်ခင်လေးမှာပဲ ကျွန်မ အိုစာနေသလိုပဲ။ ငွေကြေးဥစ္စာရှာရတာ ကျွန်မ စိတ်မကုန်သေးဘူး။ တစ်ဖက်က တရားဘာဝနာကိစ္စကို လည်း တတ်စွမ်းသလောက်လုပ်နေပါပြီလေ။ မင်းသားကျော်ဟိန်းပြောတာလား မသိပါဘူး။ ဘာတဲ့ `သေရင် ကိုယ့်နောက်ကို ဘာမှမပါဘူး ဆိုတာကတော့ ဟုတ်တယ်။ ဒါပေမဲ့ ချန်ထား နိုင်ခဲ့ရမယ်’ တဲ့။ ဟုတ်တယ်လေ...ကျွန်မတို့ မွေးခဲ့တဲ့ မီးလေးဆက်လက်ပြီးတော့ ကောင်း ကောင်းမွန်မွန် တောက်လောင်နိုင်အောင်တော့ ကျွန်မတို့ လုပ်ပေးထားခဲ့ရမှာပဲ မဟုတ်လား။ ဒါပါပဲ။ လူ့ဘဝ၊ မိဘရဲ့တာဝန်ဆိုတာလေ။ ဒီနှစ်ဟာ ၂၀ဝ၀ ပြည့်တဲ့နှစ်၊ ကျွန်မဘဝမှာလည်း ထူးခြားတဲ့ ပြောင်းလဲမှုဖြစ် ခဲ့ရတယ်လို့ ဆိုရမယ်။ နှစ်စမှာပဲ မအားလပ်တဲ့ကြားက ကျွန်မ ဝိပဿနာတရားစခန်း (၇)ရက် ဝင်ခဲ့ တယ်။ သမီးတွေက အားပေးခဲ့လို့ပါပဲ။ အမေရယ်၊ သမီးတို့ အမေ့ဆိုင်ကို ကြည့်ပေးပါ့ မယ်။ အမေ့စိတ်တိုင်းကျ ဖြစ်အောင် ကြိုးစား လုပ်ပေးပါ့မယ်။ မမှားမယွင်းအောင် ဂရုစိုက်ပါ့ မယ်။ သမီးတို့လည်း ကိုယ့်ကိုယ်ကိုယ် ထိန်းသိမ်းနိုင်တဲ့အရွယ် ရောက်နေပါပြီ။ အဖေ ကတော့ ဝန်ထမ်းမို့ ထားပါတော့။ အမေ တရား စခန်းဝင်ပါတဲ့လေ။ အဲသလို တရားလမ်း ကြောင်းပေးခဲ့တာ။ သမီးတို့ရဲ့ စေတနာကို ကျွန်မ လိုက်လျောခဲ့ပါတယ်။ ခုတော့ ကျွန်မ ဗုဒ္ဓဘာသာရဲ့ တရားကို ရေးရေးသိပါပြီ။ ဓမ္မမိတ်ဆွေတွေလည်း တိုးခဲ့ ပြီ။ စီးပွားရေးမိတ်ဆွေတွေထက် အားကိုးရတဲ့ ပုဂ္ဂိုလ်တွေပါ။ လောဘမဖက်ဆက်ဆံရတာ အင်မတန် ချမ်းမြေ့ပါကလားလို့ သတိပြုမိလေ ရဲ့။ စီးပွားရေးနဲ့ ဆက်ဆံရတာက စိတ်မပါဘဲ မချိသွားဖြဲလုပ်နေရတာ။ ကူညီသလိုလိုနဲ့ ခုတ်မယ်၊ ထစ်မယ်၊ ပါးပါးလှီးမယ်ဆိုတာ မျိုးတွေလေ။ သောကမဖက်ဘဲ အလုပ်လုပ်ရတာက လည်း လူသက်သာပြီး အလုပ်လည်း တွင်တယ် ဆိုတာ သိလာရပါပြီ။ သောကဟာ အဖျက် သဘောသက်သက်ပါပဲ။ မသိလို့ ဒါကို ဖက်တွယ်ထားကြရတာ။ လူဆိုတာ စိတ်အေး လက်အေးလေး လုပ်စရာရှိတာ လုပ်နေနိုင်ရင်ကို အတော်ဟုတ်နေပါပြီ။ မြတ်ဗုဒ္ဓရဲ့တရားတော်တွေဟာ ကြားရုံနဲ့ တင် အပူစင်ပြီး ကျင့်ရင် ချက်ချင်း ချမ်းသာ ကျင့်ပြီးရင်တော့ လွန်စွာငြိမ်းချမ်း။ အဲသလို ဓမ္မသဘောတွေကိုး။ အခုဆို ကျွန်မဘာသာ ကျွန်မ အသင့်အတင့် နှလုံးသွင်းဆင်ခြင်တဲ့ အလုပ်ကို `အလုပ်’ တစ်ခုလို သဘောမျိုး လုပ်စ ပြုနေပါပြီ။ ဘာမဆို `အလိုနည်း’ အောင် လေ့ကျင့်နေပါပြီ။ ကျွန်မဘဝကိုကျွန်မ ပြန်ကြည့်မိလိုက်တော့။ ဘာမှလိုချင်ရမှန်းမသိခင်က ဘာမှမလိုခဲ့။ နည်းနည်းလိုချင်လာတဲ့အခါမှာ နည်းနည်း မပြည့်စုံမှန်းသိလာခဲ့။ များများလိုချင်လာတဲ့အခါမှာ မပြည့်စုံနိုင် တော့။ ဘာမှမလိုချင်တော့တဲ့အခါကျမှ အလုံးစုံ ပြည့်စုံတော့မှာ။ ဒါပေမဲ့ အဲဒီအဆင့်ရောက်အောင် အတော် ကြီး ကြိုးစားရဦးမှာပါ။ တကယ်တော့ ကျွန်မ တို့တစ်တွေဟာ ချမ်းသာဖို့ကြိုးစားရင်း ဆင်းရဲ နေခဲ့ရတာပါ။ အဲသလိုနဲ့ ကျွန်မဟာ တစ်ဖက်က စီးပွားရေးလုပ်ရင်း တရားကို လေ့လာလိုက်စားနေခဲ့ရာက ကျွန်မနဲ့အနီးဆုံးမှာ ရှိနေတဲ့ ကျွန်မခင်ပွန်းကို သတိပြုမိလာပါတယ်။ သူဟာ ဘဝမှာ အေးဆေးစွာ နေနိုင်လွန်း သူတစ်ယောက်ပါပဲ။ ကျွန်မကပဲ အစစအရာရာ ပူပင်ကြောင့်ကြစွာ မိသားစုဘဝတိုးတက်ဖို့ လုပ် ခဲ့ရတာပါ။ သူကတော့ ကျွန်မနဲ့ အကြောင်း မပါခင်ကလုပ်ခဲ့တဲ့ သူ့ရဲ့ ရုံးတာဝန်ကို ကျေပွန် စွာ လုပ်ဆောင်ရင်း မိသားစုနဲ့ပတ်သက်လို့က တော့ သူ့ရဲ့ပုံမှန်ဝင်ငွေနဲ့ ရောင့်ရဲစွာ နေထိုင်ကြဖို့ ကိုပဲ ဆုံးမ နေခဲ့လေ့ရှိပါတယ်။ ဘယ့်နှယ်ဖြစ်နိုင် မလဲရှင်။ ကျွန်မရဲ့ ကြိုးပမ်းအားထုတ်မှုကိုတော့ ဘာမှ ဝင်ရောက်စွက်ဖက်ကန့်ကွက်တာမျိုး မရှိ သလို၊ အားပေးအားပြုလည်း မရှိခဲ့ပါဘူး။ သူ့ဝင်ငွေနဲ့ စားရရုံ၊ ဝတ်ရရုံကနေ ကျွန်မ ဈေးဆိုင်လေးဖြစ်ပြီးတော့ စားကောင်းခြင်းစားရ၊ ဝတ်ကောင်းခြင်းဝတ်ရလာတာမို့ ကျွန်မတို့ မိသားစုလေးမှာ ဘာတစ်စုံတစ်ရာပြဿနာမှ မရှိခဲ့ပါဘူး။ ခုတော့ ကျွန်မ သူ့ကို ပြောချင်ပြီ။ အသက် အရွယ်ရလာတော့ တရားဘာဝနာ လုပ်ဖို့ပါပဲ။ ခု တစ်ပတ် ဆယ်ရက်လောက်အတွင်း ကျွန်မ ဈေးရောင်းမကောင်းပါ။ ဈေးဝယ်အလွန် ပါးလှပါတယ်။ ဒီပြင်ဆိုင်တွေကို မေးကြည့်တော့လည်း သူတို့လည်း `ထိုနည်းလည်းကောင်း’ ပါပဲလို့ သိရတယ်။ ကျွန်မစိတ်ကျွန်မ ဖြေပြီး တော့ သောကမဖြစ်အောင် နေနေပါတယ်။ ကျွန်မ ဆိုင်ခန်းလေးထဲမှာ မနက်လင်းတာနဲ့ ဘုရားမှာ ပန်း၊ ဆီမီး၊ အမွှေးတိုင် လှူပြီးတာနဲ့ ဘုရားရှိခိုးရင်း ဝယ်သူကို မျှော်ပါတယ်။ လမ်းသွားလမ်းလာတွေကို မေတ္တာပို့ပွားရင်း ချမ်းချမ်းမြေ့မြေ့ နေကြည့်ပါတယ်။ ဒီနေ့ မရောင်းရရင်၊ နက်ဖြန်ရောင်းရမယ်၊ မနက်ဖြန် မရောင်းရလည်း တစ်နေ့နေ့ ရောင်းရမယ့်ပစ္စည်း တွေပါပဲ။ ပုပ်ပွပျက်စီးနိုင်တဲ့ပစ္စည်းတွေ မဟုတ်ပါဘူး။ အဲသလိုပေါ့။ ကျွန်မဆိုင်ခန်းလေးဟာ ဝယ်သူမလာတဲ့အခါ ကျွန်မအတွက်တော့ ကမ္မဋ္ဌာန်းကျောင်းလေး ပါပဲ။ အဲသလို ဘုရား၊ တရားစိတ်လေးနဲ့ နေနေ ရာက တစ်ချက်တစ်ချက် ပေးစရာအကြွေးတွေ စိတ်တွက် တွက်နေမိပါတယ်။ ကျွန်မတို့လို ဈေးသည်တွေဟာ `အဟောင်းပေး အသစ်ယူ’ အကြွေးစနစ်နဲ့ ပစ္စည်းတင်ရောင်ပြီး အမြတ်ကို စားရတာ မဟုတ်လား။ အချိန်တန်လို့ ကြွေးမဆပ်နိုင်ရင် မျက်နှာပူ နေရပါတယ်။ ပိုဆိုးတာက နောက်ထပ်လိုနေတဲ့ ပစ္စည်းသစ်ယူဖို့ ခက်ကရော...။ ရက်ကြာလာ ရင် ကြွေးရှင်ရဲ့ ငြိုငြင်မှုကို ခံရမယ်။ ယုံကြည်မှု ကို ထိပါးလာမယ်။ နာမည်ပျက်တော့တာပဲ။ ပုံမှန် ဝယ်ရောင်းလည်ပတ်မှု ပျက်လာရင် ရှိတဲ့ အထည်လေးထုတ်ရောင်း ပေါင်နှံလုပ်ကြရတော့တာ။ အဲဒီအခြေအနေကို ဈေးသည်တိုင်းက စိုးရိမ်ပူပန်ကြတာချည်းပါပဲ။ အဲဒီအထဲ မိသားစုထဲက တစ်ယောက် ယောက် ဖျားရင်နာရင် ဆေးဖိုးဝါးခ ကုန်ကျ စရိတ်၊ မသုံးမဖြစ် သုံးစွဲ ကုန်ကျရတဲ့ လူမှုရေး ကိစ္စတွေ၊ အကြောင်းကြောင်းတွေကြောင့် ထည့်ဝင်ရငွေတွေ။ အဲသလိုနဲ့ ခေါင်းမီးတောက် တော့တာပဲ။ မနေ့က ကြွေးရှင်တစ်ယောက် ဆိုင်ရှေ့က ဖြတ်သွားရင်း `နေကောင်းကြရဲ့လား’ လို့ ပြုံးပြ နှုတ်ဆက်သွားသေးတယ်။ ကျွန်မစိတ်ထဲမှာ တော့ `သတိလာပေးတာပဲ’ လို့ သတိပြုလိုက်မိတယ်။ ပေးဖို့အချိန်ကလည်း တန်ပြီလေ။ နောက်ထပ် လေး၊ ငါးရက်လောက်နေလို့မှ ငွေမရှင်းနိုင်ရင် သူ့မျက်နှာ ပုံစံပြောင်းသွားမှာ ကြို မြင်ယောင်မိပါရဲ့။ ကနေ့မနက်ကတည်းက တစ်ထောင်ဖိုး ပြည့်အောင် မရောင်းရသေးဘူး။ ခုပဲ ၁၁ နာရီ ထိုးတော့မယ်။ ဘယ်လိုဖြစ်နေတာပါလိမ့်။ ဈေးဝယ်တစ်ယောက် ရောက်လာတာနဲ့ ကမန်း ကတန်းထပြီး ကြိုဆိုလိုက်မိတယ်။ ကိုယ့်ဆီမထားတဲ့ ပစ္စည်းရှိလားလို့ လာမေးလို့ ရှိတဲ့နေရာ ညွှန်ပြပေးလိုက်ပါရဲ့။ စိတ်ကတော့ မအီမသာ ပဲ။ ဒါပေမဲ့ စဉ်းစားကြည့်... ခဏကြာတော့ သုံးလေးဦး ပြုံရောက်လာတာနဲ့ အားကြိုးမာန်တက် ပြေပြေလည်လည် ဆက်ဆံပါတယ်။ ဘသားချောတို့က မနှစ် တစ်နှစ်က ပေါက်ဈေးနဲ့ ရချင်နေကြတယ်။ ခု ဝယ်ဈေးတောင် အဲသလောက် မကတော့ဘူး။ ရှင်းပြပါတယ်။ မရဘူး။ အရှုံးခံရောင်းရ တော့မလား။ မရောင်းရရင် နေပါစေတော့။ အမြတ်ကိုမက်လို့ ဈေးရောင်းစားတာ မဟုတ် လား။ ကိုယ့်ပစ္စည်းကိုယ် ထိုင်ကြည့်နေတော့မယ်။ အဲလိုနဲ့ အရောင်းအဝယ်မဖြစ်တော့ဘူး ခက်ပဲ ခက်ရချည်ရဲ့နော်။ သမီးငယ် ကျောင်းက ပြန်လာပြီး ရောက် မဆိုက်ပြောတယ်။ ကျူရှင်လခ ကနေ့ ညနေ ပေးရမတဲ့...။ တစ်ရက်၊ နှစ်ရက်လောက် စောင့် ပါဦးလားသမီးရယ် ဆိုတော့ အားလုံးပေးကုန် ကြပြီ၊ သမီးပဲ ကျန်တော့တာတဲ့။ ကနေ့ မပေး ဖြစ်ရင် ကျူရှင်မသွားတော့ဘူး လုပ်နေတယ်။ အလတ်မကလည်း ဖိနပ်ပြတ်လို့တဲ့။ ညည်းနေ ရှာတယ်။ အကြီးမကလည်း မီးသွေးကုန်ပြီဆို တဲ့အကြောင်း သတင်းလာပို့တယ်။ သူက ချက်ပြုတ်ရသူကိုး။ ရုံးတာဝန်လေးစားကျေပွန်တဲ့ ခင်ပွန်းသည် ကတော့ စံချိန်ကိုက် ရုံးဆင်းလာပါပြီ။ အေးဆေးတည်ငြိမ်စွာနဲ့ပါပဲ။ ပူပင်သောကမဲ့၊ ကြည်လင်တဲ့ ဣနြေ္ဒအပြည့်နဲ့ပါပဲ။ ဆိုင်ရှေ့မှာ ကျွန်မထိုင်ရင်း နားလည်သမျှ တရားသဘောတွေကို ဆင်ခြင် နေမိပါတယ်။ စိတ်ညစ်ပြေပျောက်ဖို့ပါပဲ။ ပြီးမှ စိတ်လေး တည်ငြိမ်လာအောင် မေတ္တသုတ်ပရိတ်တော်ကို စာအုပ်ကြည့်ရွတ်နေမိပါရဲ့။ အမှတ်တမဲ့ မသာမိရဲ့ ဆိုင်ဘက် လှမ်း ကြည့်မိတော့ ဈေးဝယ်တစ်ဦးနဲ့ ရယ်လို့ မောလို့၊ ပစ္စည်းတွေ ထုပ်ပိုးပြင်ဆင်ထည့်ပေးနေတာ တွေ့ရတယ်။ အလိုလေး...ကျွန်မရဲ့ ဖောက်သည် `ကိုလူတင်’ ပါကလား။ ဘယ်အချိန်ကများ စည်းရုံးလိုက်တာပါလိမ့်။ ဈေးတွေများ လျှော့ပေးနေလို့လား။ အကြွေးတွေ ဘုန်းပေါလအော ပေးနေတာလား။ ကိုလူတင် မလာတာ ရက်အတော်ကြာပြီလို့တော့ စိတ်က ထင့်နေတာ။ ဘယ်တုန်းကများ ကိုယ့်လူက သူ့လူဖြစ်သွားရတာပါလိမ့်။ ကျွန်မ စိတ်ထွေ သွားခဲ့ပါပြီ။ အဲဒီနေ့က ညစာမိသားစုထမင်းစားပွဲမှာ အပူရုပ်ကို ဟန်လုပ်ရင်း ကျွန်မ ခင်ပွန်းသည်ကို တရားအလုပ်လုပ်ဖို့ အချိန်တန်ပြီဆိုတဲ့အကြောင်း နားချမိပါတယ်။ ပြောသမျှကို ပြီးအောင် နားထောင်ပြီး ခင်ပွန်းသည်က ဘာမှ မဖြစ်သလို ပုံစံနဲ့ တစ်ခွန်းတည်းသော စကားကို ပြောလိုက်ပါတယ်။ `တရားဆိုတာ လူသိအောင် လုပ်နေရတာ မျိုးမဟုတ်ဘူး။ တရားဆိုတာ နက်နဲတယ်။ ခက်ခဲတယ်။ နက်ပေမဲ့ နဲပါတယ်။ ခက်ပေမဲ့ ခဲရလိမ့်မယ်’ တဲ့ရှင်။ အလိုတော် သူကများ...။ ဘယ်အချိန်က သူ တရားတွေ ကျိတ်လုပ်ခဲ့သလဲမသိ။ တည်တည်ကြည်ကြည်ကြီး ပြောနေပုံကလေ..။ တရားသိတာနဲ့ တရားရှိတာ နှစ်ခုကို အဲဒီ နေ့က ကျွန်မ နည်းနည်းသဘောပေါက်သွား သလိုပါပဲ။

ပန်းတိုင်

 လွန်ခဲ့ သည့်ရက်က ပေါင်းတည်မြို့၊ ဘုရား ငါးဆူရွာ ကျွန်းပင်ကျောင်း ဆရာတော်ကြီး ဦးဇာနေယျထံ ကျွန်တော်တို့ မိတ်ဆွေ တစ်စု အဖူးမြော် ရောက်ခဲ့ကြပါသည်။ ဆရာတော်ကြီး က သက်တော် ၈၅ နှစ်ရှိပြီ။ ဆရာတော်ကြီး ၏ အမူအရာတို့က တည်တည် ကြည်ကြည် ရှိလှပါသည်။ ဆရာတော်ကြီး၏ အနီး၌ ထိုင်နေ ရသည်မှာ ငြိမ်းငြိမ်း ချမ်းချမ်း ရှိလှပါသည်။ လောကဝတ် စကားတို့ ပြီးဆုံးသော အခါ၌ ဆရာတော်ကြီးက တစ်စုံ တစ်ရာသော တရား သဘောကို မိန့်ကြား လိုသည့် အနေဖြင့် `ကိုးဆယ့် ခြောက်ပါး ရောဂါတွေ ဆိုတာကို သိကြ သလား’ ဟု မေးပါသည်။ အနာမျိုး ၉၆ပါး ဆိုသည်ကို ကြားဖူး နေသော်လည်း အမျိုးအမည် တွေကို မရေတွက် တတ်ပါ။ တစ်ယောက် တစ်မျိုး မှတ်မိသမျှ ရောဂါအမည် တွေကို ဆိုနေမိကြပါသည်။ ဤတွင် ပြုံး၍ နားထောင် နေသော ဆရာတော်ကြီးက အနာ အမျိုး ၉၆ ပါးကို ရေတွက်ပြနေပါသည်။ ဆရာတော်ကြီး ရေတွက် ပြသည်ကို ကျွန်တော်တို့က နောက်မှ လိုက်၍ မနည်းကြီး ရေးမှတ်နေကြရပါသည်။ ဆရာတော်ကြီး၏ မှတ်ဥာဏ် တွေက ကောင်းနေတုန်း ပါလားဟု တွေးရင်း ကြည်ညို စိတ်တွေ ဖြစ်နေပါသည်။ ဆရာတော်ကြီးက ၉၆ ပါးရောဂါတို့ကို သာမက ယနေ့အခါ၌ ကမ္ဘာတွင် ဖြစ်နေသည့် ရောဂါတို့အထိ ရောဂါတွေ များပုံကို ပြောပြ နေပါသည်။ ထို့နောက် သုတ္တံဒေသနာတစ်ခုကို ရွတ်ဆိုပါသည်။ ဆရာတော်ကြီး ရွတ်ဆိုပြသော သုတ္တံဒေသနာတော်မှာ အင်္ဂုတ္တရ နိကာယ်-စတုတ္ထပဏ္ဏာသက - စတုတ္ထ နိပါတ်မှလာ သည့် `ရောဂါသုတ်’ ဖြစ်သည်ဟု သိရပါသည်။ ဆရာတော်ကြီးက အောက်ပါကဲ့သို့ မြန်မာလို နားလည်အောင် ပြန်ဆိုပြပါသည်။ `ရဟန်းတို့..ရောဂါတို့သည် ဤနှစ်မျိုး တို့တည်း။ အဘယ်နှစ်မျိုးတို့နည်းမူ.. ကိုယ်၌ ဖြစ်သောရောဂါ၊ စိတ်၌ဖြစ်သောရောဂါတို့ တည်း။ ရဟန်းတို့...တစ်နှစ်ပတ်လုံး ကိုယ်၌ ရောဂါမရှိခြင်းကို ဝန်ခံကုန်သော သတ္တဝါ၊ နှစ်နှစ်တို့ပတ်လုံး၊ သုံးနှစ်တို့ပတ်လုံး၊ လေးနှစ် တို့ပတ်လုံး၊ ငါးနှစ်တို့ပတ်လုံး၊ ဆယ်နှစ် တို့ပတ်လုံး၊ အနှစ်နှစ်ဆယ်တို့ပတ်လုံး၊ အနှစ် သုံးဆယ်တို့ပတ်လုံး၊ အနှစ်လေးဆယ်တို့ ပတ်လုံး၊ အနှစ်ငါးဆယ်တို့ပတ်လုံး၊ အနှစ် တစ်ရာ.. အနှစ်တစ်ရာ အလွန်... ရောဂါမရှိ ခြင်းကို ဝန်ခံကုန်သော လူသတ္တဝါတို့ကို တွေ့ မြင်နိုင်ကုန်၏။ ရဟန်းတို့... ရဟန္တာပုဂ္ဂိုလ် မှတစ်ပါး တစ်ခဏမျှလည်း စိတ်၌ ရောဂါမရှိ ခြင်းကို ဝန်ခံသော သတ္တဝါတို့ကိုမူ လောက၌ အလွန်မြင်တွေ့ရခဲကုန်၏’ (၇-ရောဂသုတ်-၄ စတုတ္ထပဏ္ဏာသက၊ စတုတ္ထနိပါတ်-အင်္ဂုတ္တရနိကာယ်) ဤသုတ္တံကို ဆရာတော်ကြီးက ကျွန်တော် တို့ နားလည်အောင် ထပ်ပြီး အောက်ပါကဲ့သို့ ရှင်းပြပြန်ပါသည်။ လောကမှာ လူတွေမှာ ဖြစ်တဲ့ရောဂါ နှစ်မျိုးရှိတယ်လို့ မြတ်စွာဘုရားက ရဟန်းတွေ ကို ရှင်းပြနေတာ။ ဘယ်လိုရောဂါနှစ်မျိုးလဲ ဆိုတော့ လူရဲ့ရုပ်ခန္ဓာကိုယ်မှာ ဖြစ်တဲ့ရောဂါက တစ်မျိုး။ ပြီးတော့ လူရဲ့စိတ်မှာဖြစ်တဲ့ရောဂါ က တစ်မျိုး...။ ဒီလိုရောဂါနှစ်မျိုး နှစ်စား ရှိတယ်တဲ့။ အချို့သော လူတွေဟာ ကျန်းမာ ရေးကောင်းကြတယ်။ ဒီလိုကျန်းမာရေး ကောင်းတဲ့၊ ကျန်းကျန်းမာမာရှိတဲ့ လူတွေကို လောကမှာ တွေ့နိုင်တယ်။ တချို့လူတွေဟာ ကျန်းမာလိုက်ကြတာ။ တို့များ တစ်နှစ်ပတ်လုံး ဘာရောဂါမှ မရှိဘူးလို့ ပြောကြတယ်။ တစ်နှစ် လုံးလုံး ရောဂါဆိုလို့ ဘာမှမရှိဘဲ ကျန်းမာပါ တယ်လို့ ဝန်ခံပြောသူတွေကို တွေ့နိုင်တယ်တဲ့။ အဲဒီလိုပဲ နှစ်နှစ်ပတ်လုံး၊ သုံးနှစ်ပတ်လုံး၊ လေးနှစ်၊ ငါးနှစ် ပတ်လုံး အကောင်းပကတိ ဘာရောဂါမှမရှိဘဲ ကျန်းမာလျက်ရှိတယ်လို့ ပြောသူတွေ၊ ဝန်ခံသူတွေ ရှိတယ်တဲ့။ သူတို့ ထက် ကျန်းမာသူတွေ ရှိသေးတယ်။ အဲဒီလူ တွေကတော့ ငါးနှစ် မကဘူး၊ ဆယ်နှစ်ပတ်လုံး၊ အနှစ်နှစ်ဆယ်ပတ်လုံး၊ အနှစ်သုံးဆယ်ပတ်လုံး၊ အနှစ်လေးဆယ်၊ အနှစ် ငါးဆယ်ပတ်လုံး ဘာ ရောဂါမှ သူတို့မှာ မဖြစ်ဘဲ ကျန်းကျန်းမာမာ ရှိတယ်လို့ ပြောသူတွေ၊ ကျန်းမာတယ်လို့ ဝန်ခံ သူတွေ လောကမှာ ရှိတယ်တဲ့။ အနှစ်တစ်ရာ မက အနှစ်တစ်ရာလွန်သည်အထိ ဘာရောဂါမှ မရှိဘဲ ကျန်းမာနေတယ်လို့ ဝန်ခံတဲ့သူတွေ ရှိ တယ်။ ဒီလိုလူတွေကို လောကမှာ တွေ့နိုင် တယ်တဲ့။ ဗုဒ္ဓသာသနာက ရှင်ဗာကုလမထေရ် ကြီးဟာ အသက်တော် ၁၆၀ ရှည်တယ်။ အဲဒီ သက်တော် ၁၆၀ တိုင်အောင် ရှင်ဗာကုလမထေရ်ဟာ ကျန်းမာ လျက်ရှိတယ်။ ဘာရောဂါမှ မရှိဘဲ မထေရ်မြတ်ကြီးဟာ ကျန်းမာနေတယ်။ ဒီမှာ ဆိုလိုတာက...ရုပ်ခန္ဓာကိုယ်မှာဖြင့် ဘာရောဂါမှ မရှိဘဲ ကျန်းမာတဲ့သူတွေကို လောကမှာ တွေ့နိုင်မြင်နိုင်တယ်။ ဒီလိုနှစ်တွေ ကာလတွေ အများကြီး ကြာအောင် ရုပ်ခန္ဓာ ကိုယ်မှာ ရောဂါတစ်စုံတစ်ရာမရှိဘဲ ကျန်းမာ ကြသူတွေ ရှိနေတယ်။ ဒီလိုရှိနေသူတွေကို တကယ်ပဲ တွေ့နိုင်တယ်။ ဒါပေမဲ့...တဲ့။ စိတ်မှာ ရောဂါမရှိဘဲ စိတ်မှာ ဖောက်ပြန်ထွေ ပြားတဲ့ စိတ်ရောဂါတစ်စုံတစ်ရာမရှိဘဲ ပကတိ စိတ်ကျန်းမာခြင်း ပြည့်စုံစွာနဲ့ အသက်ရှင်နေ သူမျိုးကိုတော့ (ရဟန္တာပုဂ္ဂိုလ်မှလွဲ၍) ဘယ်မှာမှ မတွေ့မြင်နိုင်ဘူးတဲ့။ ရုပ်ကိုယ်ခန္ဓာမှာ နှစ်ကာလ အဘယ်မျှကြာအောင် ရောဂါမရှိဘဲ ကျန်းမာ စွာရှိပါတယ်လို့ ဝန်ခံသူမျိုး ရှိပေမဲ့ စိတ်မှာတော့ ရောဂါမရှိပါဘူး၊ စိတ်ကျန်းမာပါတယ်လို့ ဝန်ခံ နိုင်သူမျိုး (ရဟန္တာကလွဲပြီး) လောကမှာ မရှိဘူး တဲ့။ ရဟန္တာကလွဲပြီး တစ်ခဏမျှလည်း စိတ် မှာ ဖြစ်တဲ့ရောဂါမရှိခြင်းကို ဝန်ခံနိုင်တဲ့သူမျိုး အလွန့်အလွန်တွေ့ရခဲတယ်တဲ့။ ဟုတ်တယ်။ အင်မတန်ကို တွေ့ရခဲတယ်။ ပုထုဇဉ်လူသတ္တဝါတွေရဲ့ စိတ်မှာ အမြဲလို စိတ် ရောဂါတွေဖြစ်နေတယ်။ လူမှာ လိုတာကို မရ၊ ရပြန်တော့ မလိုချင်ဆိုတဲ့ မကျေနပ် ရောဂါ၊ မကျေနပ်နိုင်တဲ့စိတ်ရောဂါတွေ အမြဲလို ဖြစ်နေ တတ်တယ်။ လိုချင်တာနဲ့ ရလာတာ တလွဲ တချော်ဖြစ်နေလို့ စိတ်မချမ်းသာတဲ့ရောဂါ ဖြစ်တယ်။ လိုချင်တာကို ရလာတယ်ပဲထား၊ အချိန် ကြာလာတာနဲ့အမျှ အဲဒီရနေတာက သူ့ အတွက် ရိုးသွားတယ်။ သူ့ကို အရင်ကလို ကျေနပ်ကြည်နူးမှု မပေးတော့ဘူး။ ဒီအခါမှာ အသစ် အသစ်၊ သူ့ထက် သူ့ထက်သာတာကို တောင့်တတယ်။ လိုချင်ပြန်တယ်။ အသစ် အသစ်ကို မရပြန်တဲ့အခါ စိတ်မကြည်မသာ ဖြစ်တယ်။ မမွေ့မလျော် ဖြစ်တယ်။ ကိုယ်က အင်မတန် လိုလားတောင့်တနေ တာကို ရတဲ့အခါမှာလည်း... ရခြင်းနဲ့အတူပဲ အဲဒီ ကိုယ် အင်မတန်မြတ်နိုးနေတဲ့အရာ ပျက်စီးသွားမှာ စိုးတယ်။ တစ်မျိုးတစ်ဖုံဖြစ် သွားမှာကို ကြောင့်ကြစိုးရိမ်တယ်။ ကိုယ် အင်မတန်မြတ်နိုး တန်ဖိုးထားတဲ့သူ၊ အင်မတန် မြတ်နိုးတန်ဖိုးထားတဲ့အရာကို သူတစ်ပါးထံ ရောက်သွားမှာ၊ သူတစ်ပါးဆီကို ရွှေ့ပြောင်း သွားမှာကို အင်မတန် စိုးရိမ်ထိတ်လန့်တယ်။ လူမှာက...ဖြစ်ချင်တာတွေ အများကြီး ရှိတယ်။ မျှော်လင့်ချက်တွေကလည်း အများ ကြီးပါပဲ။ ဖြစ်ချင်တာတွေ မဖြစ်လာတဲ့အခါမှာ လူဟာစိတ်ပျက်တယ်။ ဆုတ်နစ်တဲ့စိတ်တွေ ဖြစ်လာတယ်၊ အားငယ်မှုတွေ ဖြစ်တယ်၊ စိတ်ဓာတ်တွေကျတယ်။ ဖြစ်ချင်တာ မဖြစ်လာရ ကောင်းလားဆိုပြီး ဒေါသတွေဖြစ်တယ်။ အလို မကျနိုင်တဲ့ စိတ်ရောဂါတွေ အဖိစီးခံရတယ်။ ဒီအခါမှာ လူဟာ စိတ်ဓာတ်မကျဖို့၊ အားငယ် စိတ်ပျက်ခြင်းမဖြစ်ဖို့ ကိုယ့်ကိုယ်ကိုယ် ပြန်ပြီး ဆုံးမတယ်။ အားမာန်သတ္တိတွေမွေးဖို့ ကြိုးစားရ တယ်။ မျှော်လင့်ထားတာတွေ ဖြစ်ကိုဖြစ် လာရမယ်လို့ ယုံကြည်ချက်တွေကိုလည်း တည်ဆောက်ရပြန်တယ်။ စိတ်ဓာတ်ကို မြှင့်ရ ပြန်တယ်။ ဆုံးမရင်း၊ အားတင်းရင်း၊ ယုံကြည်ချက်တွေတည်ဆောက်ရင်း ကိုယ့်စိတ် ရောဂါကို ကိုယ်ပြန်ကုသရင်းက လူဟာ စိတ်မောရခြင်းတွေ၊ စိတ် အလုပ်ရှုပ်မှုတွေ ဖြစ်ရပြန်ပါရော။ လူဟာ ပြောခဲ့တဲ့ ဖြစ်ချင်တာ မဖြစ်ရတာမျိုးတွေ၊ မျှော်လင့်သလို မဖြစ်တာမျိုးတွေနဲ့၊ တခြားအခက်အခဲ တွေနဲ့ မကြုံမတွေ့ရဘဲ အေးအေး ဆေးဆေးနေရတာကိုပဲပျင်း၊ မုန်းမှု တွေ ဖြစ်လာတတ်ပြန်တယ်။ တစ်နေ့ လာလည်းဒီလိုပဲ စားလိုက်၊ အိပ်လိုက်၊ နောက်တစ်နေ့လာလည်း ဒီလိုပဲ စား လိုက်၊ အိပ်လိုက်။ ဒီလူတွေနဲ့ပဲတွေ့၊ ဒီမြင်ကွင်းတွေကိုပဲ မြင်နေရ တွေ့နေရ၊ ဒီလူတွေရဲ့ ဒီစကားတွေပဲ ကြားကြား နေရတဲ့ အဖြစ်တွေကိုပျင်း၊ မုန်းလာ တယ်။ ငြီးငွေ့လာတယ်။ ဘာထူးခြား ချက်မှမရှိဘဲ တစ်နေ့ပြီးတစ်နေ့ ဖြတ်ကျော်ရင်း အသက်ရှင်နေရတာကို ငြီးငွေ့တဲ့ ပျင်းမုန်းတဲ့ရောဂါကို လူဟာ ခံစားရပြန်တာပဲ။ လူဟာ တစ်ကိုယ်ထီးတည်း မနေနိုင်ဘူး။ တစ်ကိုယ်ထီးတည်း နေရတာကို ငြီးငွေ့တယ်။ အထီးကျန် ရောဂါကို ခံစားရတယ်။ ဒီအခါမှာ လူဟာ ...အပေါင်းအဖော်တွေနဲ့ နေချင်တယ်။ လူ့ အသိုက်အဝိုင်းနဲ့ နေချင်တယ်။ သိုက်သိုက် ဝန်းဝန်းနဲ့ လူတွေနဲ့နေရမှ ပျော်ရွှင်ရမယ်လို့ ထင်တယ်။ လူတွေနဲ့ အပေါင်းအဖော်တွေနဲ့ အတူနေရပြန်တော့လည်း လူမှုပြဿနာတွေ အများကြီးကို ကြုံရပြန်တယ်။ မိမိက ချစ်သူ ခင်သူ မြတ်နိုးသူတွေရှိသလို မိမိက မုန်းသူ၊ ကြည့်မရသူတွေ အများကြီးကိုလည်း ကြုံ တွေ့လာရတာပဲ။ လူဟာ ချစ်ခြင်းနဲ့ မုန်းခြင်း ကြားမှာ ဗျာများနေတတ်တဲ့ သတ္တဝါပါပဲ။ မမုန်းမချစ်တဲ့၊ မူမှန်တဲ့စိတ်မျိုး လူမှာ မရှိ တတ်ဘူး။ ချစ်လိုက်၊ မုန်းလိုက်နဲ့ ဗျာများတတ် တဲ့ရောဂါကိုပဲ လူဟာရနေတယ်။ ချစ်ခြင်း၊ မုန်းခြင်းကို အမျှရှုနိုင်တဲ့စိတ်မျိုး၊ မူမှန်တဲ့ စိတ်မျိုးမရှိတတ်ဘူး။ ဒါကြောင့် ပုထုဇဉ်လူ သတ္တဝါတွေကို `ဥမ္မတ္တကော’ တွေ၊ အရူးတွေ၊ စိတ်မမှန်သူတွေလို့ ပြောတာပဲ။ အကြောင်းအမျိုးမျိုးကြောင့် ... မပြေ လည်မှုတွေကြောင့် လူဟာ တခြားလူတွေနဲ့ ပဋိပက္ခတွေဖြစ်တယ်။ ပဋိပက္ခတွေ များလာတော့ မုန်းတီးမှုတွေ အပြန်အလှန် ဖြစ်တယ်။ မုန်းတီးမှု ရောဂါတွေ ရင့်လာရင် တစ်ဦးက တစ်ဦးကို ကိုယ်ထိလက်ရောက် ထိပါးစော်ကား ရန်စမှုတွေ လုပ်မိတယ်။ တစ်ဖက်သူရဲ့ အကျိုး စီးပွားကို ပျက်အောင်ဖျက်တယ်။ တစ်ဖက်သူရဲ့ အကျိုးစီးပွားတွေ ပျက်သွားတာ မြင်ရင် ဝမ်းသာတယ်။ ဒီနေ့ ကမ္ဘာကြီးမှာ မုန်းတီးမှုတွေ၊ မာန၊ အာဃာတတွေနဲ့ တစ်ဖွဲ့က လူတွေက တခြားတစ်ဖွဲ့က လူတွေကို သတ်ဖြတ်ဖျက်ဆီး နေကြတယ်။ ဒါတွေကို နေ့စဉ်ကြားသိနေရ တာပဲ။ လူ့စိတ်မှာ ဒေါသတွေဖြစ်လာပြီဆိုရင်... ဒေါသဖြစ်သူမှာရော၊ အခြားသူတွေမှာပါ အကျိုးမဲ့ပျက်စီးခြင်းတွေ ဖြစ်နိုင်တာပဲ။ အင်္ဂုတ္တရနိကာယ်-သတ္တကနိပါတ် ကောဇန သုတ်မှာ မြတ်စွာဘုရားက ဒေါသတွေရဲ့ အပြစ် တွေကို ပြောပြထားတာ ရှိတယ်။ အမျက် ဒေါသတွေဖြစ်နေတဲ့သူဟာ... (၁) ရုပ်အဆင်းမလှတော့ဘူးတဲ့။ ဒေါသတွေ ဝင်နေရင် မူလက လှပတင့်တယ်သူရဲ့ ရုပ် လက္ခဏာဟာလည်း အရုပ်ဆိုး အကျည်းတန် သွားရော။ မျက်နှာနေ မျက်နှာထားဟာ မာကျောကြမ်းတမ်းပြီး တင့်တင့်တယ်တယ် မရှိတော့ဘူး။ (၂) ဒေါသဆိုတဲ့ရောဂါ စိတ်မှာ ပူးကပ်နေပြီ ဆိုရင် အဲဒီဒေါသ ဖြစ်နေသူ၊ ဒေါသစိတ်ရောဂါ ရနေသူဟာ ညမှာ ကောင်းစွာမအိပ်နိုင်တော့ ဘူး။ ကိုယ်မုန်းတဲ့သူကို မြင်ယောင်ပြီး လက်စားချေချင်တာတွေ၊ တုံ့ပြန်လိုက်ချင်တာ တွေနဲ့ အံတကြိတ်ကြိတ်ဖြစ်၊ စိတ်တွေပူလောင်၊ ဒီတော့ ကောင်းစွာမအိပ်စက်နိုင်တော့ဘူး။ (၃) လောကကိစ္စတွေ ဆောင်ရွက်ရာမှာ ဒါမှ မဟုတ် ဆက်ဆိုင်ရာ လှုပ်ရှားပြုမူမှုတွေ လုပ်ရာ မှာ ဒေါသအမျက်တွေ စိတ်ထဲဝင်နေရင် အကျိုး ရှိတာကိုတာ့ အကျိုးရှိတယ်လို့ မထင်မြင်နိုင် ဖြစ်တယ်။ အကျိုးမဲ့တာကိုတော့ အကျိုးရှိတယ်လို့ လွဲမှားစွာ ထင်မြင်မှုတွေဖြစ်တယ်။ ဒီလို ဖြစ်တော့...အဆုံးအဖြတ်တွေ မှားကုန်တယ်။ အဆုံးအဖြတ်တွေ မှားကုန်တော့ လုပ်ကိုင်ဆောင်ရွက်မှု တွေဟာ မှားကုန်ရော။ အကျိုးမဲ့တွေ ဖြစ်ကုန်ရော။ (၄) ဒေါသတွေနဲ့ အဆုံး အဖြတ်တွေမှား၊ အသိအမြင်တွေ မှားနေတဲ့သူဟာ တရားရုံးတွေဆီ ရောက်လိုရောက်၊ ဒီကိုရောက်ပြီး ငွေတွေကုန်တယ်။ ကိုယ့်စီးပွားရေး လုပ်ငန်းတွေပျက်တယ်။ ဒီတော့ စီးပွားဆုတ်ယုတ်မှု ဖြစ်တော့တာပဲ။ ဒါတင်မကဘူး။ (၅) ဒေါသအမျက်တွေနဲ့ မဆင်မခြင် လုပ်မိလုပ်ရာတွေကို လူမဆန်စွာလုပ်မိလို့၊ လူကြီး လူကောင်းလို မပြုမူမိလို့ ဂုဏ်သိက္ခာ တွေလည်း ကျဆင်းသွားနိုင်တယ်။ (၆) ဒေါသ အမျက်ကြီးတဲ့သူ၊ စိတ်ဆိုးရောဂါကပ်နေသူကို ဘယ်သူ မှ မချစ်ခင်၊ မမြတ်နိုး၊ မလေးစားဘူး။ ဒေါသ တွေကြီးနေရင် အဲဒီဒေါသကြီးသူကို မိတ်ဆွေတွေက ဆက်မပေါင်းသင်းချင်ကြဘူး။ ဒီတော့ ဒေါသကြီးသူမှာ မိတ်ဆွေတွေ လျော့ပါးသွား တတ်တယ်။ (၇) အမျက်ဒေါသတွေရှိသူဟာ အဲဒီ ဒေါသ စိတ်တွေနဲ့ အကယ်၍များ သေလွန်သွားရင် မကောင်းတဲ့ အပယ်ဘုံတွေကို ရောက်နိုင်တယ် တဲ့။ ပြောခဲ့တဲ့ ကိုယ်မှာဖြစ်တဲ့ ရောဂါတွေ၊ ၉၆ ပါးရောဂါတွေဟာ လူကို နှိပ်စက်မယ်ဆိုရင် ဒီဘဝတွင်သာ နှိပ်စက်နိုင်တာ။ နောင်ဘဝကို လိုက်ပြီး ရောဂါအနာက နှိပ်စက်မှာမဟုတ်ဘူး။ အခု စိတ်မှာဖြစ်တဲ့ စိတ်ဆိုးခြင်း၊ ဒေါသရောဂါ ကတော့ သံသရာကိုပါလိုက်ပြီး ဆိုးကျိုးတွေ ပေးနိုင်တယ်။ ဒေါသလွှမ်းမိုးတဲ့သူဟာ အကယ်၍များ သူ့အပြုအမူ အပြောအဆိုတွေဟာ သာမန်လူတွေ အပေါ်မဟုတ်ဘဲ သူတော်စင်တွေ၊ ဘုရားရဟန္တာ တို့လို ပုဂ္ဂိလ်တွေအပေါ်များ မှားလိုက်မိလို့ ကတော့ အဲဒီအမှားကြောင့် အင်မတန် အပြစ် ကြီးလေးတဲ့သက်ရောက်မှုတွေဖြစ်သွားနိုင်တယ်။ ကဿပမြတ်စွာဘုရားရှင် လက်ထက် တုန်းက အင်မတန် ကြီးပွားတိုးတက်လို၊ ချမ်းသာလိုတဲ့ လယ်သမားတစ်ဦးရှိတယ်တဲ့။ ကြီးပွားတိုးတက်ရေးကို လိုလားသူဆိုတော့ အလုပ်နဲ့လက်နဲ့ မပြတ်အောင်ကို ကြိုးစား လုပ်ဆောင်တတ်တဲ့သူဖြစ်တယ်။ တစ်နေ့မှာ... အဲဒီလယ်သမားရဲ့မိတ်ဆွေတွေဟာ လှူဖွယ် ဝတ္ထုတွေ၊ ပန်းနံ့သာတွေကို သယ်ဆောင်ပြီး တော့ ကဿပမြတ်စွာဘုရားထံ တရားနာ သွားဖို့ ထွက်ခဲ့ကြတယ်။ အဲဒီမိတ်ဆွေတွေဟာ စောစောက အလုပ်နဲ့လက်နဲ့ မပြတ်လုပ်ပြီး ကြီးပွားချင်တဲ့ လယ်သမားကို တရားနာသွား ရအောင်လို့ အတင်းပဲ ဝင်ခေါ်ကြတယ်။ ဒီလို အတင်းခေါ်တာကို ခုနလယ်သမားက စိတ်ဆိုး တယ်။ သူ့ကို တရားနာခေါ်ခြင်းဟာ သူ့ကို တမင်သက်သက် အလုပ်ပျက်အောင် လုပ်တာပဲ လို့ထင်တယ်။ ဒါကြောင့်သူက သူ့ကို လာခေါ် တဲ့ မိတ်ဆွေတွေကို `တရားလိုက်နာပေမဲ့ မင်းတို့ ဘုရားက ငါ့ကို မကယ်ဘူး။ ငါ့လယ်ကို သူကူပြီး ထွန်ပေးမှာမဟုတ်ဘူး။ ငါ့လယ်ကို ငါသာ ထွန်ရမှာ။ စီးပွားပျက်မည့် တရားကို ငါ လိုက်မနာနိုင်ဘူး’ လို့ ပြောလွှတ်တယ်။ အဲဒီလိုကဿပဘုရားကို ဝစီကံနဲ့ပြစ်မှား ပြောဆိုလိုက်မိလို့ သေတဲ့အခါမှာ အဲဒီလယ် သမားဟာ ကျောက်ကမ်းပါးယံမှာ သံထွန် သွား၊ သံထွန်တုံး၊ သံကြိမ်လုံးနဲ့... နွား နှစ်ကောင်ကလည်း တကယ့်နွားမဟုတ်တဲ့ သူ့စိတ်ထင် နွားတွေနဲ့ လယ်ထွန်နေရတဲ့ ပြိတ္တာ ဖြစ်သွားတယ်တဲ့။ အဲဒီပြိတ္တာဟာ ကျောက် ကမ်းပါးယံကြီးကို လယ်အမှတ်နဲ့ ထွန်နေတာ ဆိုတော့... ဘာဖြစ်မှာတဲ့လဲ။ မစိုက်ရ မပျိုးရ ဘာစားစရာမှလည်းမရ။ အငတ်ငတ် အပြတ် ပြတ်နဲ့။ ပါးစပ်ကလည်း နွားတွေကို အော်ငေါက် ပြီး ထွန်ပြီးရင်း၊ ထွန်ရင်းထွန်နေလိုက်တာ ဘယ်လောက်ကြာလဲဆိုတော့ ဂေါတမမြတ်စွာ ဘုရား ပွင့်တော်မူတဲ့အချိန်အထိတဲ့။ ကဿပ မြတ်စွာဘုရားနဲ့ ဂေါတမမြတ်စွာဘုရားရှင်တို့ ကြားမှာ ဘယ်လောက်နှစ်ကာလတွေကြာမယ် ဆိုတာမှန်းကြည့်ပေါ့။နှစ်တွေ အများကြီး ဖြစ်မှာပါ။ တစ်နေ့မှာ...ဂေါတမမြတ်စွာဘုရားရဲ့ တပည့်ရဟန်းတော်သုံးကျိပ်ဟာ ဂေါတမ မြတ်စွာဘုရား..ဘုရားအဖြစ်ရောက်တော်မူခဲ့တဲ့ မဟာဗောဓိကို ဖူးမြော်ချင်လို့ ခရီးထွက်လာခဲ့ ကြတယ်။ ဒီလိုလာရင်း လမ်းမှာ မျက်စိလည် ပြီး လမ်းပျောက်သွားကြတယ်။ မျက်စိလည် လမ်းပျောက်နေတာ သုံးရက်ကြာတယ်။ သုံးရက်လုံးလုံး ရဟန်းတော်တွေ ဆွမ်းမစား ကြရဘူး။ တဝဲလည်လည်ဖြစ်နေကြတယ်။ မကြာခင် ခုနကပြောတဲ့ လယ်ထွန်နေတဲ့ ပြိတ္တာကြီးရဲ့ အနီးအပါးကို ရောက်လာကြ တယ်။ ရဟန်းတွေကလည်း ပြိတ္တာကြီးကို တကယ့်လူလို့ထင်တယ်။ တကယ့်လယ်သမား လယ်ထွန်နေတာလို့ ထင်တယ်။ ဒီလို ထင်မှတ် ပြီးတော့ ရဟန်းတွေက လှမ်းပြီး `လယ်ထွန်နေတဲ့ ဒါယကာ...ငါတို့ ရဟန်းတွေ လမ်းမှားလို့ မသွားတတ်၊ မလာတတ်ဖြစ်ပြီး ဆွမ်းငတ်နေ တာ သုံးရက်ရှိပြီ။ အဲဒါ မဟာဗောဓိကို ဘယ်က သွားရတယ်ဆိုတာသိရင် လမ်းပြပါ’ လို့ ပြောတယ်။ ဒီအခါမှာ လယ်သမားပြိတ္တာက `အရှင်ဘုရားတို့ လမ်းမှားကြတာက ကြာမှ မကြာသေးပဲ။ တပည့်တော် လမ်းမှားခဲ့တာက တော့ ကဿပမြတ်စွာဘုရားရှင်လက်ထက် ကတည်းကပါပဲ.. အရှင်ဘုရားတို့။ အရှင်ဘုရား တို့က လမ်းမှန်ကို သိရင်လည်း တပည့်တော်ကို ပြတော်မူခဲ့ကြပါ’ လို့ ပြန်လျှောက်ထားတယ် တဲ့။ ဒီလယ်သမားပြိတ္တာဟာ ဒေါသဖုံးခဲ့လို့ ဘဝလမ်းမှန်ကို မသိဘူးဖြစ်ခဲ့ရတာ။ စိတ်ဆိုး ခြင်းဆိုတဲ့ ဒေါသကြောင့် သဘောထားတွေ မှားတယ်။ စေတနာတွေမှားတယ်။ ဒီအခါ အလုပ်တွေ အပြုအမူတွေမှားတယ်။ လမ်းမှားကို လျှောက်မိသလို အတွေးမှား၊ စေတနာမှား တွေနဲ့ လုပ်ခဲ့မိတာတွေဟာ မှားတဲ့အလုပ်တွေ၊ မှားတဲ့အဖြစ်တွေဆီရောက်တော့တာပဲ။ သံသရာ ခရီးသွားကို အလွဲအမှားတွေဆီရောက်အောင် စိတ်ဆိုးဒေါသတွေက ပို့နိုင်တယ်။ တစ်ကိုယ်တည်းမနေနိုင်တဲ့လူဟာ အပေါင်းအသင်း လူမှုအသိုက်အဝန်းနဲ့နေတဲ့ အခါ စိတ်ဆိုးစိတ်ပျက်တွေ ဖြစ်ရသလို၊ လူတွေ အပေါ် မနာလိုဝန်တိုတဲ့စိတ်ရောဂါတွေလည်း ဖြစ်ပြန်တာပဲ။ ကိုယ့်ဝန်းကျင်က လူတွေဟာ ကိုယ့်ထက်ချမ်းသာနေမယ်ဆိုရင် ဝမ်းမသာ တတ်ဘူး။ တခြားသူတွေက မိမိထက် ဂုဏ်သိက္ခာတွေ မြင့်နေမယ်၊ အဆင့်အတန်း တွေ မြင့်နေမယ်ဆိုရင်လည်း ဝမ်းမသာနိုင်ဘူး။ တစ်ဖက်သောသူက မိမိထက် ရုပ်ဆင်း လက္ခဏာ သာလွန်နေမယ်၊ ရာထူး ဌာနန္တရတွေ မြင့်နေမယ်၊ အသိုက်အဝန်း အခြံအရံ နောက် လိုက်နောက်ပါ တပည့်တပန်းတွေ မိမိထက် ပေါများနေမယ်ဆိုရင်လည်း ဝမ်းမသာနိုင်ဘူး။ `ကိုယ့်ထက်သာမနာလို’ ဆိုတဲ့အတိုင်း မနာလို စိတ်တွေဖြစ်တယ်။ မနာလိုစိတ်နဲ့ စိတ် မကြည်သာမှုတွေဖြစ်တယ်။ တစ်ဖက်သောသူ က မိမိထက် ထင်ပေါ်ကျော်ကြားသွားရင်၊ အောင်မြင်ထင်ရှားသွားရင်လည်း ဝမ်းမသာ နိုင်ဘူး။ တခြားတစ်ပါးသူ အောင်မြင်မှုတစ်ခုကို ရတဲ့အခါ `အခုလို အောင်မြင်မှုရသွားတာကို ဝမ်းသာပါတယ်’ လို့ ပြောတတ်တယ်။ ဒါပေမဲ့ အဲဒီလိုပြောတာဟာ တကယ်ဝမ်းသာလို့ ပြောတာမဟုတ်ဘူး။ ဟန်လုပ်ပြီးပြောနေတာ။ တကယ်က တစ်ဖက်လူအောင်မြင်တာကို ကြိုက်ကိုမကြိုက်ဘူး။ ကိုယ့်ထက်သာသွား တာမျိုးကို မကြိုက်နိုင်ဘူး။ တကယ်လို့များ အဲဒီလူကို အစကတည်းက မုန်းခဲ့တဲ့လူဆိုရင် အခုလို သူရရှိတဲ့ အောင်မြင်မှုကို ပျက်စီးသွားစေ ချင်တယ်။ အောင်မြင်နေတာကို ဖျက်ဆီးချင် စိတ်တွေတောင်ဖြစ်ချင်ဖြစ်မယ်။ သိပ်မုန်းခဲ့တဲ့ သူဖြစ်ရင်တော့ ကိုယ်ထိလက်ရောက် သူ့ အောင်မြင်မှုကို ဖျက်ဆီးတာမျိုးကိုတောင် လုပ်နိုင်တာပဲ။ ကိုယ်မုန်းတဲ့သူ ထင်ပေါ်တာ၊ ကျော်ကြားတာ၊ အောင်မြင်တာ၊ အဆင့်မြင့် သွားတာ၊ ဂုဏ်သိက္ခာတွေ တိုးသွားတာ၊ ဒါတွေကို မမြင်ချင်၊ မကြားချင်တဲ့ စိတ်ရောဂါ တွေဖြစ်တယ်။ ကိုယ်မုန်းတဲ့သူမှာ အခြံအရံ တွေ၊ နောက်လိုက်တွေ၊ အသိုက်အဝန်းတွေ ပေါများနေတာကို မမြင်လို မကြားလိုတဲ့ စိတ်ရောဂါတွေဖြစ်တယ်။ ဒါပေမဲ့ စဉ်းစားကြည့်... ဒီနေ့ကမ္ဘာကြီးကိုကြည့်ရင် လူမျိုးတစ်မျိုး က တခြားလူမျိုးတစ်မျိုးရဲ့ တိုးတက်နေမှု၊ အောင်မြင်နေမှု၊ ထင်ပေါ်ကျော်ကြားနေမှုကို ဝမ်းမသာနိုင်ဖြစ်နေတာမျိုးရှိတယ်။ တိုးတက် တဲ့၊ အောင်မြင်တဲ့အဖွဲ့အစည်းက မိမိအဖွဲ့ အစည်းအပေါ် လွှမ်းမိုးလာတာကို မလိုလားတဲ့ စိတ်တွေဖြစ်တယ်။ မိမိလူမျိုးစုကို လာ နည်းပေးလမ်းပြပြုတာကို မုန်းတီးစိတ်တွေ ဖြစ်တယ်။ ဒီလိုမုန်းတီးမှုတွေနဲ့ လူတစ်မျိုးက တစ်မျိုးကို တိုက်ခိုက်ဖျက်ဆီးတယ်။ ဒီလို ဖျက်ဆီးရင်း လူမှုပဋိပက္ခတွေ ဒီနေ့ကမ္ဘာမှာ အများကြီးဖြစ်နေတယ်။ လူမျိုးတစ်မျိုးဟာ မိမိတို့မုန်းတီးတဲ့ အခြားအဖွဲ့အစည်းရဲ့ တိုးတက်မှု၊ ကြီးပွားမှု၊ အောင်မြင်မှုဟူသမျှ အပေါ် ဝမ်းမသာနိုင်ဘူး။ ဝမ်းမသာတဲ့အပြင် မနာလို မရှုစိမ့်တွေဖြစ်လာတယ်။ မုန်းတီးနေ တဲ့လူမျိုးတွေရဲ့ တိုးတက်မှုတွေကို ပျက်စီး ယိုယွင်းသွားစေချင်တယ်။ ဖြစ်နိုင်ရင် ကိုယ်ထိ လက်ရောက် ဖျက်ဆီးတယ်။ မိမိမုန်းတီးတဲ့ လူမျိုးစုတွေဆီကို မိမိရဲ့ လူမျိုးတွေ ရောက်သွား မှာ ပူးပေါင်းသွားမှာကို စိုးရိမ်တယ်။ ဝန်တိုမှု တွေ ဖြစ်တယ်။ မနာလိုမှု၊ ဝန်တိုမှု၊ စိတ်ဆိုး၊ စိတ်ပျက်မှု ဆိုတဲ့ စိတ်ရောဂါတွေဟာ ရုပ်ခန္ဓာကိုယ်မှာ ဖြစ်တဲ့ ၉၆ ပါးရောဂါတွေလို ကုစားဖို့ မလွယ်ကူ ဘူး။ မနာလိုဝန်တိုမှု၊ စိတ်ပျက်စိတ်ဆိုးမှုတွေ ဟာ အကယ်၍များ နတ္ထိကဒိဋ္ဌိ၊ အဟေတုက ဒိဋ္ဌိ၊ အကိရိယဒိဋ္ဌိဆိုတဲ့ အယူအတွေးအမှား တွေနဲ့ ပေါင်းမိ၊ ရောမိသွားရင် မိမိရော အများပါ သိပ်ကို ကြီးကျယ်တဲ့ မကောင်းကျိုးတွေ ထွက်ပေါ်လာနိုင်တယ်။ နတ္ထိကဒိဋ္ဌိ ဆိုတာက ကုသိုလ်လုပ်လုပ်၊ အကုသိုလ်ပဲလုပ်လုပ်၊ အကျိုးမရှိဘူးလို့ ယူဆ တဲ့ အယူဝါဒဖြစ်တယ်။ အကျိုးသက်ရောက်မှု ကို ပစ်ပယ်တဲ့ဝါဒဆိုပါတော့။ ဘုရားပဲ တည်တည်၊ ကျောင်းပဲဆောက်ဆောက်၊ အလှူကြီးတွေပဲပေးပေး၊ ဒီလိုလုပ်တဲ့ကုသိုလ် မှုတွေဟာ ဘာမှအကျိုးမပေးဘူးလို့ မြင်တဲ့ အမြင်၊ ခံယူတဲ့အယူဝါဒ။ ဒီကောင်းမှုကုသိုလ် ပြုမှုတွေဟာ နောင်အနာဂတ်ဘဝမှာလည်း ဘာမှအကျိုးပေးမှု မရှိဘူးလို့ ယူဆတဲ့ဝါဒ ဖြစ်တယ်။ ဒီလို ကောင်းတာတွေလုပ်လို့ အကျိုးပေးမှု မရှိသလို မကောင်းတဲ့ အကုသိုလ်တွေ လုပ်လည်း ဘာမှသက်ရောက် အကျိုးပေးမှု မရှိဘူးလို့ ယူဆတယ်။ ဒီအယူအဆရှိနေရင် ကိုယ်မုန်းတီးတဲ့၊ မနာလိုဝန်တိုဖြစ်နေတဲ့သူတွေ၊ ဖျက်ဆီးချေမှုန်း သတ်ဖြတ်ပစ်ဖို့ ဝန်မလေးတဲ့ သူတွေ ဖြစ်သွားနိုင်တယ်။ အဟေတုကဒိဋ္ဌိဆိုတာက အကြောင်းကို ပယ်တဲ့ အယူဝါဒဖြစ်တယ်လို့ ဆိုလိုတယ်။ လူဖြစ်လာတာဟာ အတိတ်က ကုသိုလ်ကြောင့် ဖြစ်ရတယ်ဆိုတဲ့ အယူအဆမျိုးကို အဟေတုက ဒိဋ္ဌိကို လက်ခံသူက မယုံကြည်ဘူး။ လူတစ်ဦး အသက်ရှည်ကျန်းမာတာဟာ၊ ရုပ်အဆင်း တင့်တယ်လှပတာဟာ အတိတ်က ကုသိုလ် ကောင်းခဲ့တဲ့အတွက် ဆိုတာမျိုးကို မယုံဘူး။ ဒီလို အကြောင်းတရားကို ပယ်ခြင်းဟာ အကျိုး တရားကို ပယ်ရာလည်း ရောက်သွားတာပဲ။ ဘာကြောင့်လဲဆိုတော့ အခုကောင်းတာလုပ်တဲ့ အကြောင်းကြောင့် နောင်မှာကောင်းတဲ့အကျိုး ဖြစ်မယ်ဆိုတာကိုလည်း မယုံကြည်နိုင်တော့ဘူး။ ဒီလို မယုံကြည်ခြင်းဟာ အကျိုးကို ပယ်ခြင်းပဲ မဟုတ်လား။ အကြောင်းအကျိုးကို ပစ်ပယ်သူ ဟာ ကောင်းတာတွေကို ရွေးချယ်လုပ်ဖို့ ခဲယဉ်း သွားမှာ အမှန်ပဲ။ အကိရိယဒိဋ္ဌိဆိုတာကတော့ ကုသိုလ် အကုသိုလ်ဆိုတာမျိုးဟာ ရှိကိုမရှိဘူးလို့ ယူဆ တဲ့ အယူဝါဒဖြစ်တယ်။ ကုသိုလ်၊ အကုသိုလ် ကံဆိုတာ မရှိဘူးလို့ ယူဆနေတဲ့ ဝါဒပဲ။ ဒီနေရာ မှာ အကိရိယဒိဋ္ဌိနဲ့ စောစောက နတ္ထိကဒိဋ္ဌိ၊ အဟေတုကဒိဋ္ဌိဆိုတာတွေနဲ့ ခြားနားပုံကို ပြောဦးမယ်။ နတ္ထိကဒိဋ္ဌိက ကုသိုလ် အကုသိုလ် ကံရဲ့ အကျိုးပေးမှုမရှိဘူးလို့ ယူဆ ယုံကြည်တဲ့ ဝါဒဖြစ်တယ်။ အဟေတုကဒိဋ္ဌိဆိုတာက အတိတ်က ကုသိုလ်ကံ အကုသိုလ်ကံ အကြောင်းတရားတွေဟာ အခုဘဝဆီကို လိုက်ပြီး အကျိုးပေးခြင်းမရှိဘူးလို့ ယုံတဲ့ဝါဒ ဖြစ်တယ်။ အခုပြောနေတဲ့ အကိရိယဒိဋ္ဌိကတော့ ကုသိုလ်ကံ၊ အကုသိုလ်ကံဆိုတာကိုက မရှိဘူး လို့ ယူဆယုံကြည်တဲ့ဝါဒကို ဆိုလိုတယ်။ ကုသိုလ်အကုသိုလ်ကံဆိုတာ မရှိဘူးလို့ ယုံကြည်နေတဲ့လူဟာ သူ မုန်းတီးတဲ့ မနာလို ဖြစ်နေတဲ့သူတွေအပေါ်မှာ လိမ်ဖို့၊ ညာဖို့၊ မတရားပြုကျင့်ဖို့၊ ပျက်စီးအောင် ဖျက်ဆီးဖို့၊ အခွင့်သာရင် သာသလို သူမုန်းတီးစက်ဆုပ်တဲ့ လူတွေကို ညှင်းဆဲနှိပ်စက်ဖို့ ဝန်လေးမှာ မဟုတ်ဘူး။ လွဲမှားတဲ့ အယူဝါဒတွေနဲ့ ပေါင်း ရောပြီး စိတ်ပျက်စိတ်ဆိုးအစရှိတဲ့ စိတ်မှာဖြစ်တဲ့ ရောဂါတွေက လူမှာရှိသမျှ မိမိတစ်ဦးချင်း အနေနဲ့လည်း ချမ်းမြေ့သာယာမှုမရှိနိုင်ဘူး။ အခြားသူတွေဟာလည်း ချမ်းမြေ့သာယာရှိနိုင် မယ်မဟုတ်ပါဘူး။ စိတ်မှာဖြစ်တဲ့ရောဂါတွေ ဟာ ကိုယ်မှာဖြစ်တဲ့ ရောဂါတွေလို ကုစားရ မလွယ်ကူဘူး။ ဗုဒ္ဓ မြတ်စွာဘုရားရဲ့ မဇ္ဈိမပဋိ ပဒါနည်းနဲ့ပဲ ပျောက်ကင်းအောင် ကုစားနိုင် တယ်။ တရားဦးဖြစ်တဲ့ ဓမ္မစက္ကပ္ပဝတ္တနသုတ္တံ (လူအများနားလည်နေတဲ့ ဓမ္မစကြာတရား တော်)မှာ `ရဟန်းတို့...အစွန်းတရားနှစ်ပါး တို့ကို မကပ်ရောက်မူ၍ ငါ ဘုရားသည် မဇ္ဈိမ ပဋိပဒါခေါ်တဲ့ အလယ်အလတ်လမ်းအကျင့်ကို ထိုးထွင်း၍ သိအပ်ခဲ့ပေပြီ’ လို့ ဂေါတမမြတ်စွာ ဘုရားက ဝန်ခံဖော်ပြထားတယ်။ အဲဒီမဇ္ဈိမ ပဋိပဒါလို့ခေါ်တဲ့ အလယ်လမ်းအကျင့်ဆိုတာ ဘယ်လို အကျင့်လမ်းမျိုး ဖြစ်တယ်ဆိုတာကို လည်းဆက်ပြီး `အလယ်လမ်းအကျင့်ဆိုတာ အရိယမဂ္ဂင်ရှစ်ပါးပင် ဖြစ်သည်။ အရိယမဂ္ဂင် ရှစ်ပါးဆိုသည်မှာ ၁။ မှန်စွာမြင်ခြင်း(သမ္မာဒိဋ္ဌိ)၊ ၂။ မှန်စွာကြံခြင်း (သမ္မာသင်္ကပ္ပ)၊ ၃။ မှန်စွာ ပြောခြင်း (သမ္မာ ဝါစာ)၊ ၄။ မှန်စွာပြုခြင်း(သမ္မာ ကမ္မန္တ)၊ ၅။ မှန်စွာ အသက်မွေးခြင်း(သမ္မာ အာဇီဝ)၊ ၆။ မှန်စွာလုံ့လထုတ်ခြင်း(သမ္မာ ဝါယမ)၊ ၇။ မှန်စွာအမှတ်သတိရှိခြင်း (သမ္မာ သတိ)၊ ၈။ မှန်စွာ စူးစိုက်တည်ကြည်ခြင်း(သမ္မာ သမာဓိ) တို့ဖြစ်ကြသည်’ လို့ ဖော်ပြတယ်။ ပြောခဲ့တဲ့ မဇ္ဈိမပဋိပဒါ အလယ်အကျင့်ကို ကျင့်တတ်အောင် ပညာရှင်တွေ၊ ဆရာတော် ကြီးတွေက ၁။ မူလမဂ္ဂ၊ ၂။ ပုဗ္ဗဘာဂမဂ္ဂ၊ ၃။ အရိယမဂ္ဂဆိုပြီး အဆင့်သုံးဆင့် ခွဲခြားပြကြ တယ်။ မူလမဂ္ဂဆိုတာ အခြေခံပြုရမယ့်မဂ္ဂင်လို့ ဆိုလိုတယ်။ အဲဒီမူလမဂ္ဂက ငါးမျိုးရှိတယ်။ ၁။ မှန်တဲ့အမြင်(ဒီမှာက ကံနဲ့ ကံရဲ့ အကျိုးကို ယုံကြည်တဲ့ ကမ္မဿကတာသမ္မာဒိဋ္ဌိကို ဆိုလို တယ်) ၂။ မှန်စွာပြောဆိုခြင်း(သမ္မဝါစာ) ၃။ မှန်စွာပြုခြင်း(သမ္မကမ္မန္တ) ၄။ မှန်စွာအသက်မွေးဝမ်းခြင်း (သမ္မာအာဇီဝ) ၅။ မှန်စွာစူးစိုက်တည်ကြည်ခြင်း(သမ္မာ သမာဓိ) ဆိုတဲ့ မဂ္ဂင် ငါးမျိုးဟာ အခြေခံပြုရ မည့်၊ အခြေခံအားဖြင့်အားထုတ်ရမည့် မဂ္ဂင်တွေလို့ ဆိုလိုတယ်။ ဒီမူလမဂ္ဂထဲက ကမ္မဿကတာသမ္မာ ဒိဋ္ဌိ ဆိုတဲ့ ကံနဲ့ကံရဲ့အကျိုးကို မှန်ကန်စွာသိမြင်တဲ့ သမ္မာဒိဋ္ဌိဟာ အင်မတန် အရေးကြီးတယ်။ ကမ္မဿကတာ သမ္မာဒိဋ္ဌိရှိမှ ပြောခဲ့တဲ့ နတ္ထိက ဒိဋ္ဌိ၊ အဟေတုကဒိဋ္ဌိ၊ အကိရိယဒိဋ္ဌိတွေကို ပယ်နိုင်မှာဖြစ်တယ်။ ကံနဲ့ကံရဲ့အကျိုးကို နားလည်သိမြင်ယုံကြည်မှ မဇ္ဈိမပဋိပဒါကျင့်စဉ် ကို ကျင့်ဖို့ လိုတယ်ဆိုတာကိုလည်း နားလည် ယုံကြည်နိုင်တယ်။ မှန်တဲ့စကား၊ မှန်တဲ့အပြု၊ မှန်တဲ့ အသက်မွေးမှု(သမ္မာဝါစာ၊ သမ္မာကမ္မန္တ၊ သမ္မာအာဇီဝ)ဆိုတဲ့အကျင့် ဒါမှမဟုတ် သီလ တွေကို စောင့်ထိန်းခြင်းဟာ ကုသိုလ်ဖြစ်တယ်လို့ နားလည်လက်ခံယုံကြည်မယ်၊ နားလည်လက်ခံ ယုံကြည်မှလည်း သမ္မာဝါစာအစရှိတဲ့အကျင့်၊ သီလကို စောင့်ထိန်းမှာပဲ။ မမှန်တာမပြောဘဲ၊ မမှန်တာတွေ မပြုမူ၊ မလုပ်ကိုင်ဘဲ၊ မမှန်တဲ့ အသက်မွေးမှုတွေမပြုဘဲ စောင့်ထိန်းမှ နောင်တတွေကင်းပြီး စိတ်ရဲ့တည်ကြည်ခိုင်ခံ့မှု၊ သမာဓိ ရနိုင်မယ်လို့လည်း နားလည်လက်ခံ ယုံကြည်မယ်။ သမာဓိဆိုတဲ့စိတ်ရဲ့ တည်ကြည်ခိုင်ခံ့မှုရှိမှ ပုဗ္ဗဘာဂမဂ္ဂင်ကို အားထုတ်ရာမှာ အောင်မြင် ပေါက် မြောက်နိုင်မယ်လို့လည်း နားလည် ယုံကြည်လာမှာပဲ။ ပုဗ္ဗဘာဂမဂ္ဂဆိုတာကတော့ အရိယမဂ္ဂင်တွေဖြစ်လာဖို့အတွက် အရင်အဦး အားထုတ်ရတဲ့အဆင့်လို့ ဆိုရမှာပဲ။ တစ်နည်းအားဖြင့် ဝိပဿနာမဂ္ဂင်လို့ဆိုနိုင်ပါတယ်။ ဒီပုဗ္ဗဘာဂမဂ္ဂကလည်း ငါးမျိုး ရှိတယ်။ ၁။ မှန်တဲ့အမြင်(သမ္မာဒိ) ၂။ မှန်တဲ့ကြံစည်မှု(သမ္မသင်္ကပ္ပ) ၃။ မှန်တဲ့လုံ့လစိုက်ထုတ်မှု (သမ္မာ ဝါယမ) ၄။ မှန်တဲ့အမှတ်သတိရှိမှု (သမ္မာသတိ) ၅။ မှန်တဲ့စိတ်ရဲ့ စူးစိုက်တည်ကြည် ခိုင်ခံ့မှု (သမ္မာသမာဓိ) ဆိုတဲ့ မဂ္ဂင်တွေပါပဲ။ မူလမဂ္ဂအဆင့်မှာ သမထတရား အားထုတ်သူတွေအတွက်ကတော့ ဈာန်တွေ အထိရောက်တဲ့၊ သမာဓိအဆင့်အထိ အားထုတ် တာလည်း ဖြစ်နိုင်ပါတယ်။ ဒီလိုဈာန်ရသည် အထိခိုင်ခံ့တဲ့ သမာဓိရှိနေရင်လည်း ပုဗ္ဗဘာဂ မဂ္ဂအဆင့်မှာ ဈာန်မှထပြီး ဝိပဿနာရှုရင် Óဏ် အမြင်တွေ ဖြစ်ပေါ်မှာပါပဲ။ ပုဗ္ဗဘာဂမဂ္ဂအဆင့်မှာ ဝိပဿနာကို စတင်ရှုမှတ်တဲ့သူအဖို့ကတော့ ခဏိကသမာဓိလို့ခေါ်တဲ့ ဝိပဿနာသမာဓိ အလုံ အလောက် ဖြစ်ဖို့လိုပါလိမ့်မယ်။ ဝိပဿနာဥာဏ် ဖြစ်ပေါ်စေနိုင်တဲ့ ခဏိကသမာဓိဟာ သမထ ကျင့်စဉ်ထဲက ဥပစာရသမာဓိအဆင့်နဲ့ ညီတယ်လို့ ကျမ်းဂန်တွေမှာ ဖော်ပြတယ်။ ဒီတော့ ပုဗ္ဗဘာမဂ္ဂ အဆင့်မှာ ဝိပဿနာရှုသူဟာ ကမ္မဋ္ဌာန်းတစ်ခုခုကို ရှုမှတ်ရင်းလုံလောက်တဲ့ ခဏိကသမာဓိရလာရင် ဝိပဿနာ ဥာဏ်တွေ ဖြစ်ပေါ်သွားမှာပါပဲ။ မဟာ သတိပဋ္ဌာန် သုတ္တံ အစရှိတဲ့ ဗုဒ္ဓ ဒေသနာတွေအရ ဝိပဿနာ ရှုစရာ ကမ္မဋ္ဌာန်းတွေ ၂၁ မျိုးတောင်ရှိတယ်။ ဒီအထဲ က မိမိနှစ်သက်ရာ ကမ္မဋ္ဌာန်း ကိုယူပြီး ဝိပဿနာရှုနိုင်တယ်။ ဥပမာ ခန္ဓာငါးပါး ဒါမှမဟုတ် မျက်စိ၊ နား၊ နှာခေါင်း၊ လျှာ၊ ကိုယ်၊ စိတ်စတဲ့ အာရုံခံဒွာရတွေမှာ ထိလာတိုင်း၊ ထင်လာတိုင်း၊ ဖြစ်လာတိုင်းကို ဝိပဿနာ ရှုမှတ်တယ် ဆိုပါတော့။ ဒီလိုရှုရင်းမှ အကယ်၍ ဆိုခဲ့တဲ့ ပုဗ္ဗဘာဂမဂ္ဂ ငါးခုဟာ အညီအညွတ် အလုပ်လုပ်ကြတယ်ဆိုရင် ဝိပဿနာ ဥာဏ်တွေ ဖြစ်ပေါ်မှာပဲ။ ဒီနေရာမှာ... ပုဗ္ဗ ဘာဂမဂ္ဂ အဆင့်မှာရှိတဲ့ မဂ္ဂင်ငါးခု အညီအညွတ် လုပ်ပုံကို ပေါ်လွင်အောင်...မြင်သိစိတ်၊ ကြားသိ စိတ်စတဲ့ သိစိတ်တွေ ဘယ်လိုဖြစ်နေတယ် ဆိုတာကို နည်းနည်း ပြောဖို့လိုမယ်။ စိတ်ဟာ ဘယ်အာရုံကိုမှ မစူးစိုက်ဘဲ ရှိနေရင် စိတ်ရဲ့မူရင်းအာရုံဖြစ်တဲ့ `ဘဝင်’ ရဲ့ အာရုံကို မှီပြီး ဘဝင်စိတ်အနေနဲ့ဖြစ်နေတယ်။ `ဓမ္မာရုံ’ လို့ခေါ်တဲ့ စိတ်အာရုံတွေဖြစ်ရင် ဒါမှ မဟုတ် အဆင်း၊ အသံ၊ အနံ့၊ အရသာ အတွေ့အထိ စတဲ့အပြင် အာရုံတွေဖြစ်ရင် အဆက် မပြတ်ဖြစ်နေတဲ့ ပြောခဲ့တဲ့ ဘဝင်စိတ်ဟာ အာရုံ အသစ်ဘက်ကို လှည့်ပေးတယ်။ အာရုံဘက် လှည့်ရာမှာ စိတ်နှစ်မျိုးရှိတယ်။ အပြင်အာရုံ အတွက် `ပဉ္စဒွာရ အာဝဇ္ဇန်း’ စိတ်က လှည့်ပေး တယ်။ အတွင်းအာရုံတွေ(ပြောခဲ့တဲ့ ဓမ္မာရုံ) အတွက်တော့ `မနောဒွာရ အာဝဇ္ဇန်း’ စိတ်က လှည့်ပေးတယ်။ အပြင်က အာရုံဆိုရင် စိတ်ကို သက်ဆိုင်ရာ မျက်စိ၊ နား၊ စသည်တို့နဲ့ ဆိုင်ပေး လိုက်တယ်။ ဥပမာ အဆင်းအာရုံ ဆိုပါတော့။ အဲဒီအဆင်းအာရုံကို သက်ဆိုင်ရာ မျက်စိနဲ့ ဆိုင်ပေးလိုက်တယ်။ ဆိုင်ပေးပြီးတဲ့အခါမှာ အာရုံကို လက်ခံတယ်(သမ္ပဋိစ္ဆိုင်း)၊ လက်ခံပြီး တဲ့အာရုံကို စုံစမ်းတယ်(သန္တီရဏ)၊ စုံစမ်းပြီးတဲ့ အခါ အဲဒီအာရုံဟာ ဘယ်လိုအာရုံမျိုးဖြစ်တယ် ဆိုတာကို ဆုံးဖြတ်တယ် (ဝုဋ္ဌော)၊ အာရုံတွေ ဟာ အတွင်းကလာရင် (စိတ် အတွင်းမှလာရင်) မနောဒွာရအာဝဇ္ဇန်းက ဆုံးဖြတ်တဲ့စိတ် (ဝုဋ္ဌော) အဆင့်ကနေ ခံယူလိုက်တယ်။ ဒါကြောင့် မနော ဒွာရအာဝဇ္ဇန်းစိတ်နဲ့ ဆုံးဖြတ်တဲ့ ဝုဋ္ဌောစိတ် ဟာ သဘောချင်းတူတယ်လို့ မှတ်ယူ နိုင်တယ်။ တကယ်တော့ ဗောဓိဓမ္မရဲ့ အဖြေက မှန်တဲ့အဖြေပဲ။ ဆုံးဖြတ်တဲ့စိတ်(ဝုဋ္ဌော)ပြီးတဲ့ အခါမှာ ဇောစိတ်တွေဖြစ်လာတယ်။ ဇောစိတ်က ခုနစ်ကြိမ်အထိ ဖြစ် တယ်။ အဲဒီနောက်ဇောရဲ့ အာရုံကိုပဲ ဆက်ပြီး အာရုံပြုတဲ့တဒါရုံဆိုတဲ့စိတ် နှစ်ကြိမ်ဖြစ်တယ်။ ဒီစိတ်နှစ်ကြိမ် ပြီးတဲ့အခါ စောစောက ဘဝင်စိတ်မျိုး ပြန်ဖြစ်သွားတယ်။ ဒါကို အဆင်း ကို မြင်သိတဲ့ `မြင်ဝီထိ’ လို့ ခေါ်တယ်။ ဒီမြင်ဝီထိတစ်ခုမှာ စဉ်ဆက်ဖြစ်ပျက် သွားတဲ့ စိတ်တွေကို ရေတွက်ကြည့် ရင် အာဝဇ္ဇန်းစိတ်ကနေ တဒါရုံ နှစ်ကြိမ်ဖြစ်ပျက်ပြီးသည်အထိ အားလုံးပေါင်း စိတ်ဆယ့်လေးကြိမ် ရှိတယ်။ ဒီမြင်ဝီထိနည်းတူပဲ ကြား ခြင်း၊ နံခြင်း၊ လျက်ခြင်း၊ ထိတွေ့ခြင်း တွေမှာလည်းဆိုခဲ့တဲ့ စိတ်ဆယ့်လေး ကြိမ် ပါဝင်ပြီးတော့ သက်ဆိုင်ရာ ဝီထိတွေဖြစ်ကြမှာပဲ။ စိတ်ကူး ကြံစည်ခြင်းမှာတော့ (ဝုဌေအဆင့်မှာဖြစ်တဲ့ အတွက်) အာဝဇ္ဇန်းစိတ်ရယ်၊ ဇောခုနစ်ကြိမ် ရယ်၊ တဒါရုံနှစ်ကြိမ်ရယ်... စုစုပေါင်း ဆယ်ကြိမ်ဖြစ်မယ်။ ဝိပဿနာရှုသူဟာ မြင်သိမှုဖြစ်ပြီးလျှင် ဖြစ်ပြီးချင်း တစ်နည်းပြောရရင် ]မြင်ဝီထိ}ဖြစ် ပြီးလျှင် ဖြစ်ပြီးချင်း `မြင်တယ်’ လို့ ရှုမှတ်ရတယ်။ ဒီလိုမြင်ရင်မြင်တယ်လို့ ချက်ချင်းရှုမှတ် နိုင်ရင် ပရမတ်ရုပ်နာမ်တရားကို အမှန်အတိုင်း သိတာဖြစ်တယ်။ ဒီလိုချက်ချင်း မမှတ်နိုင်ရင် တော့ မိန်းမ၊ ယောကျာ်းစတဲ့ သဏ္ဌာန်ပညတ်၊ ဒြပ်ပညတ်၊ အမည်ပညတ်တွေ ပေါင်းစပ်ချိန် ရသွားတယ်။ ဒီအခါ တပ်မက်ဖွယ် ချစ်ခင်ဖွယ် စတဲ့အစွဲတွေ ဖြစ်ကုန်တယ်။ အဲဒီနှစ်သက်ဖွယ်၊ မနှစ်သက်ဖွယ် မိန်းမ၊ ယောကျာ်းစတဲ့ ပညတ် တွေပေါ်မှာပဲ အခြေပြုပြီးပြောခဲ့တဲ့ စိတ်ဆိုး စိတ်ပျက်မှုတွေ၊ မနာလိုဝန်တိုမှုတွေ ဖြစ်တော့ တာပဲ။ မြင်သိမှုဝီထိမှာလိုပဲအခြားကြားမှု၊ နံမှု၊ လျက်မှု၊ ထိမှု၊ တွေးကြံမှုတို့မှာလည်း ဖြစ်ပြီး ရင် ဖြစ်ပြီးချင်း သိသိနေအောင် ဝိပဿနာရှု မှတ်ရတယ်။ ပုဗ္ဗဘာဂမဂ်အဆင့်မှာ ရှုမှတ် အားထုတ်နေတာကို ကြည့်ရင်... ဆိုခဲ့တဲ့ အတိုင်း မြင်ဝီထိ၊ ကြားဝီထိ စသည်ဖြစ်လျှင် ဖြစ်ချင်း ရှုမှတ်နိုင်အောင် ကြိုးစားအားထုတ် နေခြင်းဟာ သမ္မာဝါယမမဂ္ဂင်ဖြစ်တယ်။ ဖြစ် လျှင်ဖြစ်ချင်း သိသိနေအောင် သတိထားနေ တာက သမ္မာသတိမဂ္ဂင်ဖြစ်တယ်။ အတိတ် အနာဂတ်တွေဆီ စိတ်က မပျံ့လွင့်ဘဲ စိတ်ငြိမ် လာအောင် ဒါမှမဟုတ် မြင်မှုကြားမှုမှာ ပညတ် တွေဆီမရောက်စေဘဲ မြင်ဆဲကြားဆဲမှာပဲ ရှုမှတ်နိုင်အောင် အားထုတ် နေခြင်းဟာ သမ္မာသမာဓိမဂ္ဂင် ဖြစ်တယ်။ သမ္မာဝါယမမဂ္ဂင်၊ သမ္မာ သတိမဂ္ဂင်၊ သမ္မာသမာဓိမဂ္ဂင်သုံးခုဟာ ညီညွတ်စွာဖြစ်နေရင် သမ္မာ သင်္ကပ္ပမဂ္ဂင်က အာရုံဆီကို စိတ်ဦးညွတ်ပေးတယ်။ စိတ်နဲ့အာရုံကို တည့်ပေး၊ ဆိုင်ပေးတယ်။ ဒီအခါ သမ္မာဒိဋ္ဌိမဂ္ဂင်က...မြင်သိမှု၊ ကြားသိမှု ဖြစ်တိုင်း မြင်ပြီးပျက်၊ ကြားပြီးပျက်နေတာကို အမှန်အတိုင်းသိတယ်။ အခြားနံမှု၊ လျက်မှု၊ ထိမှု၊ တွေးကြံမှု တို့နဲ့ဆိုင်တဲ့ နံသိမှု၊ လျက်သိမှု၊ ထိသိမှု၊ ကြံသိမှုတွေဟာလည်း ဖြစ်ပြီးရင် ပျက်နေကြတယ်လို့ အမှန် အတိုင်း သမ္မာဒိဋ္ဌိကသိတယ်။ ဖြစ်ပျက်နေတာကလွဲလို့ အကောင်း အဆိုး၊ ချစ်ဖွယ် မုန်းဖွယ်၊ သူငါယောကျာ်း၊ မိန်းမဆိုတာတွေ မရှိကြ ဘူး။ ဒါတွေဟာ ဖြစ်ပြီး ပျက်နေခြင်း သာရှိတယ်ဆိုတဲ့ အနိစ္စ၊ အနတ္တ သဘာဝကို မိန်းမ၊ ယောကျာ်း၊ ချစ်ဖွယ်၊ မုန်းဖွယ်၊ သဏ္ဌာန်ဒြပ်မျိုးစုံ အနေနဲ့ ထင်မြင်တယ်။ အဲဒီထင်မြင်မှုအပေါ် မူတည်ပြီး ပြောခဲ့တဲ့ မနာလိုဝန်တိုမှုတွေ၊ စိတ်ပျက်ခြင်း၊ စိတ်ဆိုးခြင်းစတဲ့ စိတ်ရဲ့ရောဂါ တွေဖြစ်တော့တာပဲ။ ပုဗ္ဗဘာဂမဂ်အဆင့်မှာ သမ္မာဒိဋ္ဌိ၊ သမ္မာ သင်္ကပ္ပ၊ သမ္မာဝါယမ၊ သမ္မာသတိ၊ သမ္မာသမာဓိဆိုတဲ့ မဂ္ဂင်ငါးပါး အညီအညွတ်ဖြစ်ကြရင် ရုပ်၊ နာမ်ခန္ဓာမှာ အနိစ္စ၊ အနတ္တသဘောတွေကို အသေအချာမြင်ပြီး အဲဒီရုပ်နာမ်ခန္ဓာအပေါ်မှာ အစွဲကင်းသွားတယ်။ ပထမအစွဲကင်းသူ ကိုတော့ သောတာပန်ပုဂ္ဂိုလ်လို့ ခေါ်တာပဲ။ သောတာပန်ပုဂ္ဂိုလ်မှာ မနာလို ဝန်တိုခြင်းဆိုတဲ့ ဒေါသတွေ မကင်းသေးဘူး။ စိတ်မှာဖြစ်တဲ့ရောဂါ မကုန်သေးဘူးလို့ ဆိုရမှာပေါ့။ ပုဗ္ဗဘာဂမဂ်ကို အားထုတ်လို့ အစွဲဟူသမျှ ကင်းတဲ့ ရဟန္တာပုဂ္ဂိုလ်အဖြစ်ကို ရောက်မှပဲ စိတ်မှာဖြစ်တဲ့ရောဂါဟူသမျှ ကင်းမှာပါပဲ။ ရဟန္တာပုဂ္ဂိုလ်ဖြစ်ပြီဆိုရင်တော့ အဲဒီရဟန္တာပုဂ္ဂိုလ်မှာ အရိယမဂ်လို့ဆိုရတဲ့ ၁။ သမ္မာဒိဋ္ဌိ၊ ၂။ သမ္မာသင်္ကပ္ပ ၃။ သမ္မာဝါစာ ၄။ သမ္မာကမ္မန္တ ၅။ သမ္မာအာဇီဝ ၆။ သမ္မာဝါယမ ၇။ သမ္မာသတိ ၈။ သမ္မာသမာဓိ မဂ္ဂင်ရှစ်ပါးကို ပြီးပြည့်စုံစွာ ရရှိသွားပါတယ်။ အရိယမဂ္ဂအဆင့်ကို ရောက်အောင် အားထုတ်ဖို့ဟာ ဗုဒ္ဓသာသနာရဲ့ ပန်းတိုင်ပါပဲ။ အထက်ပါတရားစကားတို့ကို ဟောကြားပြီးနောက် ကျွန်းပင် ကျောင်း ဆရာတော်ကြီးက မိမိသီတင်းသုံးရာအဆောင်သို့ ပြန်ကြွသွား ပါသည်။ ဆရာတော်ကြီးကို လှမ်းမျှော်ကြည့်ရင်းက ဗုဒ္ဓသာသနာ၏ အဆုံးစွန်ပန်းတိုင်သို့ သွားရမည့်ခရီးကို လှမ်းမျှော်ကြည့်မိပါသည်။ နန္ဒသိန်းဇံ

ရှုမြင်ခြင်းနှင့် တန်ဖိုး

 တန်ဖိုးသည် ရှုမြင်မှု၊ ခံစားမှု၊ နားလည်မှု၊ အလေးထားမှု စသည် တို့အပေါ်တွင် မူတည်၍ ကွဲပြားသည်။ ကျောက်အကြောင်း ဘာမှ မသိသူလက်ထဲ ပြည်တန်ပတ္တမြား ရောက်သော်လည်း တန်ဖိုးထား တတ်မည်မဟုတ်။ ထို့အတူ ပညာမဲ့သူ၊ ပညာကို တန်ဖိုး မထားတတ်သူတို့ကို ပညာအကြောင်း ပြောနေလျှင်လည်း ကျွဲပါးစောင်းတီး ဖြစ်ခြိမ့် မည်သာ။ မဟော်သဓာသည် ပညာကို မြတ်နိုးတန်ဖိုးထားသော်လည်း ပုဂံမင်းက ပညာကို သူ သောက်သော သေရည်တစ်ခွက်မျှလောက် အရေးတယူရှိမည် မဟုတ်ချေ။ ထို့ကြောင့် တန်ဖိုးသည် လက်ခံသူ၏ တုံ့ပြန်မှုနှင့် အချိုးကျသည်ဟု ဆိုရမည် ဖြစ်သည်။ ထောင်တန်သော်လည်း နှစ်ကျပ်ခွဲ တက္ကသိုလ်ကျောင်းသားဘ၀က အမျိုးသမီးတစ်ဦးကို တွေ့ခဲ့ဖူးသည်။ ရုပ်ရည် ချောမွေ့ ပြေပြစ် ပြီး မိဘဂုဏ်ကြီးသူ၊ အဆင့်အတန်း မြင့်မားသူ ဖြစ်သည်။ အစစအရာရာ ပြည့်စုံ၍ အထက်တန်းကျကျ နေခဲ့ရသူဖြစ်ပြီး သူကိုယ်တိုင်က စိတ်သဘောထားလည်း အတော်လေး ပြည့်ဝကောင်းမွန်သူ ဖြစ်သည်။ သူမကို သဘောကျကြသည့်သူများ မနည်းလှ၊ မေဂျာမတူ သူများကရော၊ ကျောင်းမတူသူကြသူများကရော လာရောက် ပိုးပန်းခြင်းကို ခံရသူတစ်ဦး ဖြစ်သည်။ ရိုးရိုးယဉ်ယဉ် နေတတ်ပြီး မိဘအသိုင်းအ၀န်းကြီးသော်လည်း ဘ၀င်မမြင့်တတ်သူ ဖြစ်သဖြင့် ချစ်ခင်သူလည်း ပေါများရှာသည်။ တစ်နှစ်၊ တစ်နှစ်နှင့် ကျောင်းတက်နေစဉ် အတွဲမရခဲ့။ အချစ်ရေး စိတ်မ၀င်စားသည်လား၊ စိတ်ကြိုက် မတွေ့သေး ၍လားမသိ၊ သူနှင့် ဘမောင်က သာမန် ခင်မင်မှု မျှသာရှိသည်။ တရင်းတနှီးတော့ မရှိခဲ့။ ကျောင်းပြီး၍ လုပ်ငန်းခွင်ထဲ ၀င်ဖြစ်ကြသည်။ တစ်ဦးနှင့်တစ်ဦး မတွေ့ဖြစ်ကြတော့။ လေးငါးနှစ် မျှမက ကြာမည်ဟု ခန့်မှန်းမိသည်။ ဘမောင် အလုပ်တာဝန်က နယ်မှာဖြစ်၍ ရန်ကုန်အသိုင်း အ၀န်းနှင့် လေးငါးနှစ်မျှ အဆက်အတော်ပြတ်ခဲ့၍ ဘာမှမကြား၊ ရန်ကုန် ပြန်ရောက်သောအခါ သူငယ်ချင်းတချို့နှင့်တွေ့၍ သူ့အကြောင်း ကြားရသည်။ စိတ်မကောင်းခဲ့။ လင်ရ ကံမကောင်းဟု ဆိုသည်။ ခင်ပွန်းသည်က ဘာမှ မယ်မယ်ရရ အလုပ်မလုပ်၊ အပျော်အပါး အတော်နှစ်သက်၍ မိန်းမပိုက်ဆံ ထိုင်ဖြုန်းသူဟု သိရသည်။ “ဖြစ်တတ် တာပဲလေ”ဟုသာ နှလုံးပိုက်လိုက်ပါသည်။ ထို့ထက် ဆိုးသည်ကို ထိုစဉ်က မသိခဲ့သေးပါ။ တစ်ရက် အခွေငှားဆိုင်မှာ သူငယ်ချင်းမကို တွေ့သည်။ သူ့ခင်ပွန်း ပါလာ၍ မိတ်ဆက်ပေးရှာသည်။ အများပြောသည်မှာ မဆန်း၊ နည်းသေး သည်ဟုပင် မြင်ရုံနှင့် သိသာသူ ဖြစ်ပါ၏။ ဆံပင် ရှည်ရှည်၊ ပိန်ကပ်ကပ်၊ ရုပ်က ခပ်ဆိုးဆိုး၊ ဒါက အကြောင်းမဟုတ်၊ အကြောင်းက သူ၏ အမူအရာ နှင့် မျက်လုံးများ၊ အရာရာကို ပေါ့ပျက်ပျက် သဘော ထားတတ်သူ၊ မျက်လုံးများက ရိုးစင်းမှုကို နည်းနည်းမှ ကိုယ်စား မပြု။ တွေ့လိုက်ရသော ဆယ့်လေးငါးမိနစ်အတွင်းမှာပင် ကိုယ့် ဇနီးသည်အပေါ် ဆက်ဆံရေးကို မြင်သူတိုင်း သိနိုင်အောင် ထင်ရှားလှပါ၏။ “နိုင်ချင်တိုင်း နိုင်မည့်ပုံ”၊ “ဂရုမစိုက်ချင်တိုင်း ဂရုမစိုက်မည့်ပုံ” “တန်ဖိုး မထားချင်တိုင်း တန်ဖိုးမထားမည့်ပုံ” ကို အထင်းသား တွေ့နေရ၏။ ‘ “ကိုဘမောင်ကြီး၊ သွားတော့မယ်နော်” ’ ငယ်ငယ်က သူ၏အလှများ၊ ကျက်သရေများသည် ဘယ်ရောက်ကုန်သည် မသိ၊ လင်ဆိုးမယား တဖားဖားက သူ့ကို နှိပ်စက်သည်ထင့်၊ အတော်ပင် အိုစာသွားပြီး အားငယ်မှု၊ ယူကျုံး မရမှု၊ ခံပြင်းမှုစသော ခံစားချက်များကို သူ၏ မျက်ဝန်းများမှာ တွေ့လိုက်ရပါသည်။ ‘ “မေစံပယ်တို့ ကွဲသွားကြပြီ" ’ ထိုသော အိမ်ထောင်ရေးမျိုး ကြာကြာခံမည်မဟုတ်ဟု ဘမောင် မျှော်မှန်းထားပါသည်။ အိမ်ထောင်သက် ဘာမှ မကြာလိုက်ကြပါ။ ဘမောင်နှင့် မေစံပယ်တို့ လေးငါးနှစ်မျှလောက် အဆက် ပြတ်သွားကြပြန်သည်။ မေစံပယ် အိမ်ထောင်ထပ်ကျလိုက်သည်ဟု သူငယ်ချင်းများမှတစ်ဆင့် ကြားသိခဲ့ရ၏။ သည်တစ်ခါ ကံကောင်းပါစေဟုသာ ဆုတောင်းရပါသည်။ ‘ “ဟေး... ကိုဘမောင်ကြီး၊ မတွေ့တာ အတော်ကြာသွား ပြီ...” ’ ‘ “အေးဟာ... လေးငါးနှစ်လောက်ရှိသွားပြီလားပဲ... မတွေ့ ကြတာ...” ’ ‘ “မိတ်ဆက်ပေးရဦးမယ်။ ဒါက မေစံပယ့် ခင်ပွန်း... ဦးအောင်ကျော်” ’ ‘ “တွေ့ရတာ ၀မ်းသာပါတယ်” ’ လက်ဆွဲ နှုတ်ဆက်ဖြစ်ကြသည်။ နွေးနွေး ထွေးထွေး ရှိလှ၏။ ပထမတစ်ယောက်နှင့် တခြားစီ၊ မြင်ရုံနှင့် လူကြီး လူကောင်းဆန်သော ဦးအောင်ကျော်ကို အကောင်းဘက်က ဘမောင် အကဲခတ်မိသည်။ မေစံပယ်ထက် သုံးနှစ်ငယ်သည်ဟု သိရသည်။ သူ့ဇနီး သည်အပေါ်လည်း ကြင်ကြင်နာနာရှိလှသည်။ မေစံပယ်မျက်နှာတွင် အိုစာမှုတို့၊ သောကတို့ ဘယ်သို့ ပျောက်ကုန်သည်မသိ၊ စိုစိုပြည်ပြည် လှလှပပ ပြန်ဖြစ်လာသည်။ ထိုစဉ်က ဘမောင်တို့အသက် ၄၀ မပြည့်တတ် သေး၍ အယိုအယွင်းကြီး မဟုတ်ကြသေး။ လောကဓံ၏ ရိုက်ပုတ်မှုကြောင့် လေးငါးနှစ်စာမျှ ပို၍အိုမင်းနိုင်ကြသလို စိတ်၏ချမ်းသာမှု၊ ကိုယ်၏ ကျန်းမာမှုတို့ကြောင့်လည်း လေးငါးနှစ်စာမျှ နုပျိုနိုင်ကြသော အရွယ်များ ဖြစ်ကြပါသည်။ မည်သို့ဆိုစေ ကျောင်းပြီးကတည်းက နှစ်ခါမျှသာ တွေ့ခွင့်ရခဲ့သော သူငယ်ချင်းမ မေစံပယ်ကို ဒုတိယ အကြိမ် ပြန်အတွေ့တွင် စိတ်ချမ်းသာ၊ ကြည်နူးခဲ့ရပါသည်။ ၀မ်းသာ၊ ပီတိ ဖြစ်ခဲ့ရပါသည်။ သည်တစ်ခါ တန်ဖိုးထားတတ်သူ လက်ထဲ ကျောက်ကောင်း တစ်ပွင့် ရောက်ရှိခဲ့ခြင်း ဖြစ်ပါသည်။ ဦးပြုံးမောင်မောင်နှင့် ဘမောင်က ကျောင်းနေဖက်၊ ကိုးတန်း ကျောင်းသား ဘ၀ ကတည်းက ဖြစ်သည်။ စက်မှုတက္ကသိုလ်မှာလည်း ဘာသာကွဲသော်လည်း မကြာခဏ တွေ့ဖြစ်ကြသူတွေ ဖြစ်သည်။ သူက CE Group ၏ ဦးဆောင်သူ၊ အင်းဝ စာတိုက်၏ပိုင်ရှင်၊ သူလည်း နိုင်ငံတကာအဆင့် စီးပွားရေး လုပ်ကိုင်နေသူ ဖြစ်သည်။ ကမ္ဘောဒီးယား၊ မလေးရှား၊ လာအိုတို့တွင် Electronic Visa လုပ်ငန်း ဆောင်ရွက်ပေးနေသူ ဖြစ်သည်။တစ်ရက်တွင် သူက “….Something To Think About….” ဟူသော ဖြစ်ရပ်ပုံ တစ်ခုအကြောင်း E-mail ကို ဘမောင်ထံ ပို့ခဲ့၏။ ဘူတာရုံတွင် လူတစ်ဦး တယောထိုးနေပုံ ဖြစ်၏။ ဘေးနားတွင် လမ်းသွား လမ်းလာ သူတချို့ကိုတွေ့ရသည်။ အမေရိကန်ျွှျေ့ငညါအသညီဃ မြေအောက်ရထား ဘူတာရုံ တစ်နေရာ ၏ ၂၀၀၇ ဇန်န၀ါရီလ မနက်စောစောပိုင်းကပုံ ဖြစ်သည်။ တယောသမားသည် ဘူတာရုံတစ်နေရာ၌ စိတ်ဝင်တစား လက်သံ ကောင်းကောင်းဖြင့် တယောကို တစ်နာရီခန့်မျှ ထိုးနေပါသည်။ သူ တယော ထိုးနေသောအချိန်တွင် လူနှစ်ထောင် လောက်က ဘူတာရုံတွင်း ကိုယ့်လမ်းကိုယ် သွားနေကြသည်။ သုံးမိနစ်ခန့်ကြာသောအခါ လူလတ် ပိုင်းတစ်ဦးက ဂီတသမားတစ်ဦး တယောထိုးနေသံကို သတိပြုမိလိုက်ပါသည်။ သူ၏ လမ်းလျှောက်နှုန်းကို လျှော့ချလိုက်ပြီး စက်္ကန့်အနည်းငယ်မျှ ရပ်ကြည့် လိုက်သည်။ ထို့နောက် ခပ်သုတ်သုတ် ပြန်လည်ထွက်ခွာသွားခဲ့သည်။ လေးမိနစ်ခန့်ကြာသောအခါ... တယောဆရာသည် သူ၏ ပထမဦးဆုံးသော တစ်ဒေါ်လာငွေကြေး ကို ရရှိခဲ့သည်။ အမျိုးသမီးတစ်ဦးက ပစ်ပေးခဲ့ပြီး ရပ်တံ့ခြင်းမရှိဘဲ သူသွားလိုရာသို့ ဆက်လက် ထွက်ခွာ သွားခဲ့သည်။ ခြောက်မိနစ်ကြာသောအခါ... လူငယ်တစ်ဦးက နံရံကိုမှီ၍ တယောသမား၏ဂီတသံကို နားထောင် သည်။ ထို့နောက် သူ့နာရီကိုကြည့်၍ ထွက်ခွာသွားပြန်သည်။ ၁၀ မိနစ်ကြာသောအခါ... သုံးနှစ်သားကလေးက ရပ်၍ ကြည့်သည်၊ သို့သော်လည်း သူ့အမေက ကလေးငယ်၏ လက်ကိုဆွဲ၍ ဆက်သွားရန် လုပ်သည်။ ကလေးငယ်က ဆန့်ကျင်၍ တယောဆရာကြီးကို ထပ်၍ကြည့်ပြန်သည်။ မိခင်က ကလေးငယ်ကို တွန်းထုတ်လိုက်၍ ကလေးငယ်လည်း မိခင်နှင့်အတူ လိုက်ပါ ရတော့သည်။ သူ၏ခေါင်းကို မကြာခဏ နောက်ပြန်လှည့်၍ ကြည့်ရှာ သည်။ ဤကဲ့သို့ပင် ဖြတ်သွားသော ကလေးများက တယောဆရာကြီးကို မကြာခဏ လှည့်ကြည့်လှည့်ကြည့် လုပ်သွားကြပါသည်။ မိဘတိုင်းကလည်း သူတို့၏ကလေးများကို အတင်းဆွဲ၍ ခရီးဆက်ကြပါ၏။ ၄၅ မိနစ်ကြာသောအခါ... ဂီတသမားကြီးက ဆက်ပြီး တယောထိုးနေဆဲ ဖြစ်သည်။ လူခြောက်ဦးမျှလောက် ကသာ ခဏတဖြုတ် မတ်တတ်ရပ်၍ နားထောင် ခဲ့ပါသည်။ လူဦးရေ ၂၀ လောက်က ငွေစလေးများ ပစ်ချပေးသွားခဲ့သည်။ ပြီးလျှင် ဆက်လျှောက်သွား ကြသည်သာ ဖြစ်သည်။ ဂီတဆရာကြီးထံ လူများပေးသွားသော ငွေအားလုံးမှာ စုစုပေါင်း ၃၂ ဒေါ်လာ ဖြစ်သည်။ တစ်နာရီကြာသောအခါ... တယောဆရာကြီးက တယောထိုးကို ရပ်လိုက်ပါတော့သည်။ မည်သူမျှ သူ့ကို သတိမထားမိ၊ မည်သူမျှ သူကို မချီးကျူးခဲ့၊ မည်သူမျှလည်း သူ့ကို အသိအမှတ် မပြုခဲ့ကြပေ။ ဤအခြေအနေနှင့်ဖြစ်ရပ်ကို မည်သူ တစ်ဦး တစ်ယောက်မျှ မသိခဲ့ပါ။ သို့သော်လည်း ဘူတာရုံ ထဲတွင် တယောထိုးနေသော ဂီတသမားကြီးမှာ Joshua Bell ဖြစ်ပါသည်။ ကမ္ဘာ့အကြီးကျယ်ဆုံးသော ဂီတသမားထဲမှ တစ်ဦးဖြစ်သည်။ သူက အလွန်ရှုပ်ထွေး နက်နဲသည့် ဂန္ထ၀င်တေးသွား တစ်ပုဒ်ကို ရေးသားတီးခတ်ခဲ့သည်။ တယောနှင့်ပင် တီးခတ်ခဲ့ပြီး ထိုတေးသွားက ဒေါ်လာ ၃၅ သန်း တန်ကြေး ဖြစ်ပါသည်။ ထိုနေ့မတိုင်မီ နှစ်ရက်ခန့်က ဘော့စတွန်ရှိ ပြဇာတ်ရုံကြီးထဲတွင် သူ၏ဂီတသံကို တင်ဆက်ခဲ့ရာ ခုံတစ်နေရာစာအတွက် ပျမ်းမျှ ဒေါ်လာ ၁၀၀ ဖြင့် ရုံပြည့် ရောင်းချခဲ့ရသည်။ အထက်ပါဖြစ်ရပ်သည် ဖြစ်ရပ်မှန် ဖြစ်၏။ မြေအောက်ဘူတာရုံတွင် Joshua Bell ကို တယော ထိုးရန် စီစဉ်ခဲ့သူမှာ နာမည်ကြီး Washington Post သတင်းစာကြီးကဖြစ်ပြီး လူမှုအတွေ့အကြုံများ ဖြစ်သော၊ လူများ၏ ခံစားမှု၊ တုံ့ပြန်မှု၊ တန်ဖိုး ထားနိုင်မှု၊ ဦးစားပေးရာတို့အကြောင်းကို သုတေသန ဆန်းစစ်မှုပြုခြင်းတစ်ရပ် ဖြစ်သည်။ မေးခွန်းမှာ ... - အများသုံး နေရာ၊ ၀န်းကျင်တွင် မဆီလျော်သော အချိန်တစ်ခု၌ ကျွန်ုပ်တို့ အလှအပတစ်ခုကို ခံစားနိုင်ကြပါသလား? - ကျွန်တော်တို့ ထိုအလှကို ရပ်၍ လေးစား တန်ဖိုးထားနိုင်ပါသလား? - မမျှော်လင့်သော အခြေအနေတစ်ရပ်ရပ်တွင် ကျွန်တော်တို့သည် ထူးခြားမှုတစ်ခုကို အသိအမှတ် ပြုနိုင်ကြပါသလား? ဤစမ်းသပ်မှုမှ ဖြစ်နိုင်သော ယူဆချက်တစ်ရပ်မှာ... မည်မျှသော အတော်ဆုံး ဂီတသမား၊ မည်မျှ အကောင်းဆုံးသော ဂီတသံ၊ မည်မျှ အကောင်းဆုံး သော တူရိယာများ ဖြစ်ပါစေ ... ကျွန်တော်တို့ ရပ်၍ နားစွင့်ရန် အချိန်သာမရှိခဲ့ပါလျှင် ... တန်ဖိုးသည် ဘာမှန်းသိမည် မဟုတ်ပါချေ ... ။ အခြားမည်သည့်အရာများကို ကျွန်တော်တို့ လွဲချော်ခဲ့ပြီးကြပါပြီလဲ။

သစ္စာဖွဲ့အနမ်း

 တကယ်ပါပဲ။ အချိန်ကာလ တစ်ခုရဲ့အောက်မှာ ပြောင်းလဲခြင်း နိယာမတွေ ပြတင်းပေါက်အပြင်က ပါးလျတဲ့ ဆောင်းနှင်းငွေ့က အပင်တွေအောက်မှာ အုံ့ဆိုင်းဖွဲ့သီ လို့... သစ်ရွက်တွေက ဒေါသသံနဲ့ ဆူညံပေါက်ကွဲ... ရှည်လျားလွန်းလှတဲ့ မနက်ဖြန်ဆိုတဲ့ နေ့များစွာကို အခုတော့ ချုံ့ယူဝါးစားထားပြီ။ ကျွန်တော့်ရဲ့ အငမ်းမရ စုပ်ယူစားသုံးခဲ့တဲ့ နေ့ရက်တချို့ရဲ့ ကျိန်စာများလား..ယခင် ညှို့အားပြင်း စက်ကွင်းနှစ်ခု ကင်းလွတ်သွားပြီး ရောင်စုံဘောလုံးတစ်လုံးလို အဝေးကို လိမ့်ချင် တိုင်းလိမ့် နေခဲ့... နွယ်ရဲ့ ချိုရှရှအသံလေး မောင်ကြားချင်တယ်... အိပ်ရာထက်က နွယ့်ခန္ဓာ ကိုယ်လေးက သတိထားမိတဲ့ အချိန်မှာ တကယ့်ကို ပါးလျနေခဲ့ပြီ။ အိပ်ရာဘေးမှာ မှန်ပြောင်း လေးတစ်လက်.. ဒီမှန်ပြောင်းလေးက ကျွန်တော် ဘန်ကောက်က ပြန်လာတုန်းက နွယ့်ကို ၀ယ်ပေးခဲ့တာ...။ နွယ်က မှန်ပြောင်း လေးတစ်လက်နဲ့ ကြယ်တွေကို ကြည့်ရတာ သဘောကျသူ...။ နေ့ညများစွာ မှန်ပြောင်း တစ်လက်နဲ့အတူ နေထိုင်ခြင်းဟာ ကြယ်ပွင့်များနဲ့ အိမ်ထောင်ကျ နေခြင်းဖြစ်တယ်လို့ ပြောတဲ့ နွယ့် အသံကို ပြန်ကြားနေမိတယ်။ “မောင် နွယ်ဟာ တကယ်တော့ ကြယ်ပွင့်လေးတွေရဲ့ အိမ်ရှင်မ ဖြစ်နေတာပါ” ဟုတ်တယ် နွယ်ဟာ မောင်မရှိတဲ့အချိန်မှာ မှန်ပြောင်းတစ်လက်နဲ့ ကြယ်တွေကို နေ့စဉ် ကြည့်နေခဲ့တယ်။ “နွယ်ဟာ မောင့်ရဲ့ ချစ်ခြင်း တွေနဲ့ တုပ်နှောင်ခံထားရသူပါ။ နွယ်ချစ်တဲ့ အချစ်တွေက မောင့် အပေါ် မလုံလောက်ခဲ့ဖူးလား ဟင်” နွယ့်ရဲ့ ရင်အုံဟာ အားယူပြီး ပြောချင်လွန်းတာကြောင့် တသိမ့်သိမ့်၊ နိမ့်ချည်၊ မြင့်ချည်...။ အပေါ်ကြယ်သီးလေး ပြုတ်နေတာမို့ ၀င်းဝါနေတဲ့ ရင်သား မျက်နှာပြင်ပေါ်မှာရှိတဲ့ ကြယ်သီးကို တပ်ပေးလိုက်တယ်။ ကျွန်တော့်မျက်နှာကို နွယ့် မျက်နှာနဲ့ အနီးကပ်ဆုံး ထားလိုက်ပြီး နွယ့်နဖူးကို ညင်ညင် သာသာ နမ်းရင်း ကျွန်တော့်ရင်တွေ စို့နင့်လာတယ်။ “မဟုတ်ဘူးနွယ်... မဟုတ်ဘူး။ မောင် နွယ့်ကို သိပ်ချစ်တယ်။ မောင် နွယ့်ကို တမ်းတဆဲပါ... မက်မောဆဲပါ...ဘာမှမစဉ်းစားပါနဲ့.. နွယ်” “မောင့်ကို နွယ် သိပ်ချစ်ပါတယ်။ နွယ်တို့ မိသားစုအတွက် အရာအားလုံးထက်.. အဟွတ်.. ဟွတ်” “နွယ်...” နွယ့်ရဲ့ လေသံတိုးတိုးလေးကို မနည်းနားထောင်ရင်း ကျွန်တော့် ဇနီးသည် နွယ်ရဲ့ မျက်နှာလေးကို ကျွန်တော် လက်နှစ်ဖက်နဲ့ မယူရင်း... “မောင် နွယ့်အပေါ်မှာ မပြောင်းလဲဘူး၊ အချစ် မလျော့ဘူး၊ မောင့်ကို ခွင့်မလွှတ်ပါနဲ့...၊ ဘယ်တော့မှ ခွင့်မလွှတ်ပါနဲ့ကွာ” ကျွန်တော် ပြောရင်း ၀မ်းနည်းလာတယ်။ ပြီး နွယ့်ရင်ခွင်မှာ မျက်နှာ အပ်ရင်း...မျက်ရည်တချို့ နွယ့် လည်ပင်းထက်ဆီ... “မောင်...ခေါင်းမော့ပါ။ မငိုပါနဲ့ကွယ်။ အဖြေမရှိတဲ့ ချောင်ထဲမှာ ပိတ်မိခံရတဲ့ဘ၀မှ မဟုတ်တာ။ အဲဒီလိုဘ၀ထဲမှာ နွယ်နဲ့ မောင့်ကို ဘုရားက အကြာကြီး ထားမယ် မထင်ပါဘူး။ နွယ်သိတာတော့ သံယောဇဉ်၊ ချစ်ခြင်း၊ နွေးထွေး နားလည်တတ်ခြင်းဆိုတာတွေ ကင်းမဲ့သွားရင် ရင်ထဲမှာ ရာသီမရွေး အက်ကွဲ ခြောက်သွေ့နေမယ်။ အခု...ခု...အဲဒါတွေကို ကျော်ဖြတ်ပြီးပြီ မဟုတ်လား... မောင်ရယ်။ မောင်နဲ့ နွယ့်ကြားမှာ သူစိမ်းဆန်တဲ့ ခွင့်လွှတ်ခြင်း၊ မလွှတ်ခြင်းတွေ မရှိပါဘူး” “ဟုတ်ပါတယ်နွယ်...ဒါပေမဲ့... ကျွန်တော် ဘယ်လောက်ကြာ ကြာထိ “သဇင်ခိုင်နွယ်”ဆိုတဲ့ ကျွန်တော့်မိန်းမနဲ့ အတူတူ ရှိနေ နိုင်မလဲ... နွယ် တကယ့်ကို ယုံယုံ ကြည်ကြည်နဲ့ ပြောနေတာလား ဟင်” နွယ်က မျက်လုံးလေးကို မှိတ်...ခေါင်းလေးကို ညိတ်တယ်။ ကြေကွဲဝမ်းနည်းမှုအပူမီးတွေကို အေးချမ်းတဲ့ စမ်းရေအိုင် လေးထဲမှာ ငြှိမ်းသတ်ဖို့ ကြိုးစားခံရတဲ့ အချိန်ပါးပါးလေးမှာ.. ပိုမိုရှည်လျားလေးလံတဲ့ ဖိစီးမှုတွေက ကိုင်းညွတ် အိကျ... နေပြီ...။ အဲဒီည...က နွယ်ခန္ဓာကိုယ်လေးကို ကျွန်တော် တစ်ချိန်လုံး ဖက်ထားပြီး အိပ်စက်ခဲ့တယ်။ ကျွန်တော့်ရင်ခွင်ထဲက နွယ့် ခေါင်းပေါ်က ဆံစ၊ ကျွန်တော် ချစ်ခဲ့ဖူးတဲ့ နွယ့်နှုတ်ခမ်း၊ ဖြောင့်စင်း စင်း နွယ့်နှာတံ၊ ရှည်ရှည်သွယ် သွယ် လက်မောင်းတံလေး၊ လက် ချောင်းလေးတွေ၊ လက်သူကြွယ်မှာ ခပ်ချောင်ချောင် လည်ထွက်နေတဲ့ မင်္ဂလာလက်စွပ်၊ နွယ့်ရဲ့ ခန္ဓာကိုယ်မှာ အလှဆုံးဖြစ်တဲ့ ခါးသေး သေးလေး...ခုတော့ ပိုသေးလို့ နေခဲ့ပြီ။ ကျွန်တော် မအိပ်ဖြစ်ပါ။ တစ်ချက်တစ်ချက် နွယ့်ညည်းသံ လေး.. နွယ် ကျွန်တော့်ရင်ခွင်မှာ စိတ်ချလက်ချ အိပ်ပျော်သွားတယ် လို့တော့ ထင်တယ်။ နာရီသံတစ်ချက်ချက်က စက္ကန့်နဲ့အမျှ...ညဥ့်ယံ အမှောင် ထုကို ဖောက်ထွက်... နွယ့်ရဲ့ ၀မ်းခေါင်းအပိန်၊ အဖောင်း၊ အသက်ရှူသံ မျှင်း မျှင်း... မိုးရေလို အေးမြခြင်းမရှိတဲ့ မျက်ရည်စက် သေချာပြီ အပြင်မှာ မိုးရွာ နေခဲ့ပြီ... မိုးရေစက်တို့က သဲသဲမဲမဲ ကျွန်တော့်ရင်ထဲက မီး တောက်ညွန့် တစ်ညွန့်ကိုတော့ ကောင်းကင်ကြီးလည်း မသိ.. မိုး ရေစက်လည်း မသိ... နောက် ပြီး...“အိမ်”လည်း သိလိမ့်မည် မဟုတ်...။ အရာရာကို လိုချင်စိတ်နဲ့ ကြည့်တဲ့မျက်ဝန်းကို မုန်းတယ်။ဒါကြောင့် ကျွန်တော့်ကိုယ် ကျွန်တော် မုန်းတယ်။ အလျှံညီးညီး ပတ္တမြား အသွေးရောင်အောက်မှာ တောက်လောင်နေခဲ့တာ ခန္ဓာကိုယ်မှာ အသားလုံးလုံးပင် မရှိတော့ လောက်အောင်ဘဲ... နွယ်တစ်ယောက်ကိုပဲ တစ်သက်လုံး ချစ်ခင်စွဲလမ်းနေ လိမ့်မယ်လို့... ထင်တာမဟုတ်ပါဘူး။ အမှန်တကယ်ပါ...နွယ် တစ်ဦးသာ ပဲ... ဘ၀ရဲ့ အချစ်...လက်တွဲ ဖော်အဖြစ် တခြားတစ်စုံတစ်ဦး ပေါ်မှ သက်ရောက်ခြင်းမရှိဘဲ လက်ထပ်ဖြစ်ခဲ့ကြတာပဲ...။ နွယ်ရော ကျွန်တော်ရော... တည်ကြည်ငြိမ်သက်တဲ့ ခံစားချက်အဖြစ် နှစ်သက်စွာ ပြောင်းလဲခဲ့ ကြတယ်။ နွယ်က... နာမည်လေး အတိုင်းပဲ ကဗျာဆန်တယ်... နွယ်က လက်ထပ်လိုက်တာကို ဘာနဲ့တူသလဲလို့ ကျွန်တော့်ကို မေးတော့...ကျွန်တော် ဘယ်လို ဖြေရင်ကောင်းမလဲ စဉ်းစားခဲ့ တယ်။ ဒါက နွယ့်ကို တန်ဖိုးထား လို့၊ လေးစားလို့ပဲ...။ “ဘ၀တစ်ခုကို တည်ဆောက်ဖို့ အစပြုလိုက်တာလေ...။ အနာဂတ်အတွက် လျှောက်လှမ်း ရမယ့်လမ်းစကို မောင်တို့နှစ်ဦး အတူတူ ဆိုးတူကောင်းဖက် ကျော် ဖြတ်ပါ့မယ်လို့ လူအများရှေ့မှာ ကတိသစ္စာပြုလိုက်တဲ့ သဘောပေါ့ နွယ်...မဟုတ်ဘူးလား” “မငြင်းပါဘူး မောင်...။ နွယ်ပြောမယ်။ နွယ့်ရဲ့ ကိုယ်ပိုင် စကားတော့ မဟုတ်ပါဘူး။ လက်ထပ်တာဟာ ဘာနဲ့တူသလဲ ဆိုရင် မုန်တိုင်းထန်တဲ့ ပင်လယ် ပြင်မှာ လှေရွက်ကြီးကို နှစ်ဆ လောက် ပြန့်ကားလာအောင် ဖြန့်လိုက်တာနဲ့ တူတယ်။ အဲဒီလို ဖြန့်လိုက်တာနဲ့ လူ့လောက မုန်တိုင်းတွေထဲမှာ ဒီရွက်ဟာ ကျစ်ကျစ်လျစ်လျစ် လိပ်ထားတာ ထက်ပိုပြီး အန္တရာယ်များလာ တော့တာပဲလို့ ပြောတယ်” “ဟုတ်တော့ ဟုတ်ပါတယ် နွယ်။ ဒါပေမဲ့ စိတ်ကူးယဉ်ဘ၀ တွေကနေ လက်တွေ့ ဘ၀ထဲ ခုန်ဆင်းပြီး အဆုံးသတ်လိုက်တာတော့ မဟုတ်ဘူးနော်။ ရည်းစား ဘ၀က ချိန်းတွေ့ကြတဲ့ ရင်ခုန်မှု၊ စွန့်စားမှုတွေကို စွန့်လွှတ်လိုက်ကြတာတော့ နှမြောစရာနော်...” ကျွန်တော့် စကားကြောင့် နွယ်က အသံတိုးတိုးနဲ့ ရယ်တယ်။ ကျွန်တော်နဲ့ နွယ်ဟာ..ဘယ်လို ပြဿနာမျိုးပဲဖြစ်ဖြစ် ရယ်မော မေ့ပျောက်နိုင်တဲ့ သဘောမျိုးတွေ ရှိခဲ့ကြလို့ ကိုယ့်အကြိုက်တွေ စွန့်လွှတ်လိုက်ရတာကို အလွယ် တကူပါပဲ...။ ဒါတွေက ကိုယ့် ချစ်တဲ့သူအတွက်လေ...။ ကျွန်တော် ဆေးလိပ်သောက်ခြင်းကို စွန့်လွှတ်နိုင်သလို၊ နွယ် က ကျွန်တော်မကြိုက်တဲ့ ကတိတွေကို တောင်းလေ့မရှိသလို ကျွန်တော်က နွယ်မကြိုက်တဲ့ သံသယနဲ့ သ၀န်တိုမှုမရှိခဲ့ဘူး။ ကျွန်တော်တို့နှစ်ယောက်ကြားမှာ ကတိမလိုဘူးလို့ သတ်မှတ်ထားခဲ့တယ်။ “ပျော်ရွှင် ချမ်းမြေ့တဲ့ အိမ်ထောင်တစ်ခုဖြစ်ဖို့ ရုပ်ရည် ဆွဲဆောင်မှုရှိရုံ၊ စိတ်သဘော ဆွဲဆောင်မှုရှိရုံနဲ့ မလုံလောက်ဘူး။ နှစ်ဦးစလုံးမှာ လက်ထပ် ပေါင်းသင်းပြီးရင် သေတစ်ပန် သက်တစ်ဆုံး ပေါင်းသင်းဖို့ ရိုးသားတဲ့ဆန္ဒ နှစ်ယောက်စလုံးမှာ ရှိရမယ်နော်...မောင်” “သေချာတာပေါ့ နွယ်...။ မောင်နဲ့နွယ်ဟာ ဒီဘ၀တင် မဟုတ်ဘူး။ ဘ၀ပေါင်းများစွာ အထိ” ဒီလို ကျွန်တော် နွယ့်ကို ပြောခဲ့ဖူးပါတယ်။ ရင်ထဲက လှိုက် လှိုက်လှဲလှဲပါ။ အချစ်ရဲ့ရမ္မက်ဆိုတာ.. စည်းဝိုင်းလေး အပြင်နဲ့အထဲလို... ကျွန်တော်ဟာ အံ့သြဖွယ်ကောင်းတဲ့ ချိုမြိန်ဆန်းသစ်တဲ့ အရာတစ်ခု ထပ်မံတိုးလာခြင်းပါပဲ။ နွယ့်အပေါ်မှာတော့ ကျွန်တော် မလျော့ခဲ့ပါ... ကျွန်တော် လမ်းတစ်လမ်း ထဲ..လောကမှာ ပြောလေ့ရှိတဲ့ ရုတ်တရက် အက်ဆီးဒင့်တွေဟာ မထင်မှတ်ဘဲ ညွတ်တိမ်းမိပြီးတဲ့ နောက်...။ “အိမ်”ဆိုတဲ့ မိန်းကလေး တစ်ယောက်ရဲ့ နုဖပ်ဖပ်အလှ.. ငွေစက္ကူအထပ်လိုက်တွေ ၀တ်ပြု ကိုးကွယ်နေတဲ့ ခေတ်ကြီးထဲမှာ.. သူမဟာ ကျွန်တော့်လက်ထဲက ငွေတွေထက်.. ကျွန်တော့် နှလုံးသားကို တွယ်တာလွန်းသူ... သူမဟာ မဖြားယောင်း မမြှူဆွယ်ခဲ့ပါဘူး။ ကျွန်တော် ဆေးလည်း မမိခဲ့ပါဘူး။ ဖြူစင်နုနယ်တဲ့ သူမ ဘ၀ကို စာနာသနားစိတ်နဲ့ ကူညီခဲ့ တာ...ဒါကပဲ ကျွန်တော့်ဘ၀ အတွက် ပိုးပင့်ကူမျှင်တွေ ယှက် သန်း အိမ်ဖွဲ့စေခဲ့တာလား... ပြန်လှည့်ထွက်ခဲ့တိုင်း အမှား တစ်ခုနဲ့အတူ ယစ်မူးပျော်ပိုက်ခဲ့ မိတာ... ခန္ဓာကိုယ်တစ်ခုလုံး တောက်လောင်နေခဲ့တာကို ကျေနပ်နေခဲ့တယ်။ “အိမ်”ဆိုတဲ့ သူမရဲ့ အပေါ် ဆုံးထပ် တိုက်ခန်းကျဉ်းကျဉ်း လေး... သူမကို တွဲကူတက်ခဲ့ဖူးတဲ့ လှေကားထစ် အုတ်တိုက် ခပ်မှိန်မှိန် မီးရောင်အောက်မှာ.. ကျွန်တော် ဘယ်လိုဖြစ်သွားမှန်း မသိတဲ့စိတ်တွေနဲ့... ရုတ်တရက် ... ရုတ်တရက်ပေါ့။ အနမ်းမိုး တွေ ခြွေချစဉ်မှာလည်း အပြင်မှာ မိုးတွေ သဲသဲမဲမဲ ရွာနေခဲ့တယ်...။ နောက်...သူမရဲ့ လက်တွေက ကျွန်တော့် လက်မောင်းဆီကို အားကိုးမှီတွယ်လာတယ်။ လှည့်ပြန်ထွက်လို့ရပေမဲ့ စေခိုင်းအမိန့်ကျထားသလို.. ခြေလှမ်း တွေက“အိမ်” ရဲ့ တိုက်ခန်းအိုလေး ဆီသို့...။ အိမ်ဟာ ကျွန်တော့်ဆရာရဲ့ သမီးလေးပါ။ နောက်ပြီး နှလုံးရောဂါသည်လေး... ဆရာလည်း ပန်းနာရင်ကျပ်နဲ့ ဆေးရုံပေါ်မှာ ကွယ်လွန်ခဲ့... ဆရာ့သမီးလေး..ဆရာသိပ်ချစ်တဲ့ “အိမ်”ဟာ ခိုလှုံရာရင်ခွင်၊ ငိုဖို့ရင်ခွင် မရှိလေတော့ ကျွန်တော့်ကိုပဲ ရင်ဖွင့်ငိုရှိုက်ရင်း သူ့ရောဂါကို ကျားကန် အံတုနေဆဲ... ကျွန်တော် အိမ့်ကို တတ်နိုင်သလောက် ကူညီခဲ့တယ်... ဖြည့်ဆည်းခဲ့တယ်...။ တစ်စစ အိမ်ရဲ့ ကျွန်တော့်အပေါ် တွယ်တာလွန်းမှု..၊ ဂရုစိုက်မှု.. ကြင်နာမှု၊ အရာအားလုံးဟာ နွေးနွေးထွေးထွေးနဲ့ ရောင်ပြန် ဟပ်ခဲ့ကြ.. ကျွန်တော် ရှောင်တိမ်းဖို့ စဉ်းစားတိုင်း.. ခြေလှမ်းတွေက ကန်ချက်ပြင်းပြင်းနဲ့ ကန်လိုက်တဲ့ ဘောလုံးတစ်လုံးလို..အိမ်..ရှိတဲ့ အိမ်လေးဆီပဲ...။ ကျွန်တော့်မှာ ခိုင်မာတဲ့ မိသားစုရှိတယ်။ အိမ် သိတယ်.. ချစ်တဲ့ဇနီးနဲ့ သားလေးရှိတယ်.. အိမ်သိတယ်...ကျွန်တော်တို့ ဘာကို မသိခဲ့ကြတာလဲ...“အိမ်” က ကျွန်တော့်ကို “ကို”လို့ ခေါ် တယ်... အိမ်ပြောပြောနေတဲ့စကား “အရွယ်မတိုင်ခင် မအိုချင်ဘူး ကို...အဲဒီလိုပဲ အရွယ်မတိုင်ခင် မသေချင်ဘူး” “အချစ်ဆိုတာ အချစ်နဲ့စတယ်။ အနက်ရှိုင်းဆုံး...အစစ်မှန်ဆုံး အချစ်တွေဟာ အမြဲလိုလို ရုတ်တရက် ပေါက်ပွားလာတယ်တဲ့ ဟုတ်လား ကို” “အင်း...ဟုတ်တာပေါ့” “ကို..ကို... ဘယ်လိုမှန်းမသိဘူး။ အိမ် ချစ်တယ်။ ရုတ်တရက်ကို ချစ်သွားတယ်။ အိမ့် ကိုရော” “အတူတူပဲပေါ့ “အိမ်”။ ကိုယ့် အတွက်ကလည်း မထင်မှတ်ဘဲ ရုတ်တရက်တွေပါပဲ” ကျွန်တော် အဲဒီလို ဖြေခဲ့တယ်။ “အခုလိုအချိန်တွေမှာ အိမ့် နားမှာ ရှိနေပေးတဲ့ ကို့ကို ကျေးဇူးတင်လိုက်တာ...။ ကို့ရဲ့ ဇနီးက အရမ်းချစ်မှာပဲနော်။ ကိုက သဘော ထားပြည့်ဝတယ်။ စိတ်ထား ကောင်းတယ်။ ကို့ကို အိမ်လေး စားတယ်။ ဘာဖြစ်လို့လဲ သိလား ကို။ အိမ့်အပေါ်မှာ လိုအပ်တာထက် မပို၊ အခွင့်အရေးရလျက် သားနဲ့ကို စောင့်ထိန်းခဲ့တဲ့ ကျင့်ဝတ်ကို အိမ် လက်ခံမိတိုင်း ကို့ကို သံယောဇဉ် ပိုလေပါပဲ” ကျွန်တော် ဖျားချင်နေပြီ။ “အိမ့်”ဆီက ဒီစကားတွေ ကြားရ တာ ကျွန်တော့်ရဲ့ စပ်ဖျင်းဖျင်းဖြစ် နေတဲ့ ခန္ဓ္ဓာကိုယ် ချုပ်တည်းမှု၊ ပေါက်ကွဲမတတ်စိတ်တွေ... ကျွန်တော်တို့နှစ်ယောက် “အိမ့်”အခန်းလေးထဲမှာ ကော်ဖီ သောက်ခဲ့ကြ..စာအုပ်တွေဖတ် ကြ... အိမ်ချက်တဲ့ထမင်းတွေ အတူစားခဲ့ကြ... “အိမ့်”ရယ်သံ...ရေချိုးပြီးစ အိမ့်ထံက ဆပ်ပြာရနံ့၊ ဆံနွယ် တွေက ရှန်ပူရနံ့၊ ခန္ဓာကိုယ်ရနံ့ ခပ်သင်းသင်းလေး.. ကိုယ်တိုင် ခြောက်သွေ့ အောင်လုပ်ပေးခဲ့တဲ့ ဆံစတွေကြားမှာ.. ကျွန်တော် ဘယ်အထိများ အိပ်မောကျနိုင်ခဲ့ မှာလဲ...။ ကျွန်တော့်ရဲ့ နောက်ထပ် အချစ်တစ်ခုဟာ ရုတ်တရက် ကျွန်တော့်ကြောင့် “အိမ်”လန်းဆန်း လာသလို..ဆေးခန်းပုံမှန်ပြသနေ ရတဲ့ နာတာရှည် လူမမာလေး ဘ၀က လွတ်မြောက်ရတာကို ကျေနပ်ခဲ့တယ်။ ဆရာဟာ ကျွန်တော်များ အိမ်ထောင်မရှိခဲ့ရင် အိမ်နဲ့ လက်ထပ်ပေးမှာ အသေအချာ... အိမ်က နေလည်းကောင်းလာတော့ ခရီးလေးတစ်ခုကို သွားဖို့ ပူဆာတယ်။ကျွန်တော် လိုက်ပို့ချင်ပါတယ်။ အားရက်တချို့ကိုဖဲ့ပြီး... ရှမ်းပြည်ဘက်သွားဖို့ စီစဉ်ခဲ့ တယ်။ နွယ်ကတော့ သိပ်မသွားစေချင်..။ အလုပ်အကြောင်း ပြလိုက်တယ်။ “မောင်..အဲဒီခရီးကို မသွားပါနဲ့လား” “မောင့်အလုပ်က မသွားလို့ မရဘူးလေ။ နွယ်က ဘာလို့ မောင့်ကို မသွားစေချင်တာလဲ” “ဟင့်အင်း သွားမှဖြစ်မယ် ဆိုလည်း သွားပါ” နွယ့်ရဲ့ စကားထက် ဆက် ဆက်သွားမယ်နော်ဆိုတဲ့ “အိမ်” စကားက ပိုခိုင်ခံ့နေတယ်။ နွယ့် စကားလုံးတွေ ခပ်ပါးပါး ဖြစ်နေသလို နွယ် ခန္ဓာကိုယ်လေး ခပ်ပါးပါးဖြစ်နေတာကို ကျွန်တော် သတိမထားခဲ့...။ ဆယ်ရက်တာခရီးမှာ ကျွန်တော် အိမ့် ကျန်းမာရေးကို အဓိက ဦးစားပေး ဂရုစိုက်ခဲ့တယ်။ ဒီခရီးကို ထွက်ပေးတာကလည်း သူ့ကျန်းမာရေး ပိုကောင်းမွန်အောင် လုပ်ပေးခဲ့တာ...။ ဘာမှ လိုအပ်တာ မရှိစေရ...။ အိမ့် စိတ်ကြိုက် ဖန်တီးပေးခဲ့တယ်။ အရင်က သေ စကားနဲ့ အားငယ်အရှုံးပေးတဲ့ စကားတွေကို ကျွန်တော် လက်မခံခဲ့ဘူး။ ဘ၀အတွက် အားဖြစ်စေမယ့် စာအုပ်တွေ ဖတ်ပြခဲ့တယ်။ နေ့ရက် အသစ်တွေကို ရင်ဆိုင် ဖြတ်သန်းဖို့ အားတွေ စိတ်ဓာတ် တွေ မြှင့်တင်ပေးခဲ့တယ်။ တောင်ပေါ် အလှတွေနဲ့ ဓာတ်ပုံတွေ ရိုက် ပေးခဲ့တယ်။ အိမ် ပျော်သလောက် နေခဲ့တယ်။ ကျွန်တော် နွယ့်ဆီကို ရှမ်း ပြည်ရောက်ပြီဆိုတာ ဖုန်းတစ်ခါပဲ ဆက်ဖြစ်ခဲ့တယ်။ ကျွန်တော် နွယ့်ကို အရာရာ စိတ်ချနေခဲ့တယ်။ မပြည့်စုံခြင်းနဲ့ မကျန်းမာ ခြင်းဆိုတဲ့ မည်းမှောင်တဲ့ ဒုက္ခနှစ်ခုကို ရင်ဆိုင်နေရတဲ့ “အိမ့်” ကို သနားခဲ့တယ်။ ဘယ်လောက်ပဲ ဒုက္ခတွေ့တွေ့ တည်ငြိမ်စွာ ရင်ဆိုင်နိုင်ဖို့၊ သတ်္တိရှိဖို့ ကျွန်တော် ပြောခဲ့တယ်။ နားသွင်းပေးတယ်။ အိမ်ဟာ တကယ့်ကို ပေါ့ပါး လန်းဆန်းလာတယ်။ ရည်ရွယ်ချက် ရှိလာတယ်။ ဒါဟာ အလွန် ကောင်းတဲ့လက္ခဏာတွေပဲ။ ဆရာ စိုးရိမ် လွန်းခဲ့တဲ့ “အိမ်” ရဲ့ ဝေဒနာ တော်တော် သက်သာလာတယ်။ ဒီလိုနဲ့... ကျွန်တော်ပြန်လာတော့ ထင်မှတ်မထားတဲ့ ဖြစ်စဉ်တွေ က.. အင်တိုက်အားတိုက် ကြိုဆိုနေတယ်။ နွယ်... ကျွန်တော့်ရဲ့နွယ်ဟာ အခန်းထဲက ခုတင်ပေါ်မှာ ပက်လက်လေး... နွယ်ဟာ မျိုသိပ်ခဲ့ရတာတွေ များလွန်းလို့၊ အံကြိတ်ခဲ့ရတာတွေ များလွန်းလို့ နှုတ်ခမ်းလေးတွေပင် သွေးစို့နေပြီလား... နွယ် ဘာဖြစ်လဲ ကျွန်တော် မသိ...။ ဆရာဝန်နဲ့ သားရဲ့ စကားမှာ ကျွန်တော် ချောက်ချား တုန်လှုပ်သွားတယ်။ ဖြစ်ရလေ..နွယ်ရယ်...။ ကြောက်စရာကောင်းတဲ့ ကင်ဆာ ဆဲလ်တွေက နွယ်ကိုယ်အနှံ့မှာ ပျံ့နှံ့နေပြီတဲ့။ နွယ်ကျိတ်ကု နေတာ ကြာပြီဆိုပဲ။ “ဖေဖေ...မေမေ အရမ်းငိုတယ်။ အရမ်းနာ တယ်ထင်တယ်။ မေမေ သေသွားမှာလား ဟင်။ ဖေဖေ မရှိတုန်း မေမေ မိုးရွာထဲက ပြန်လာတယ်။ ငို တယ်။ မေမေရောဂါရှိတာ ဖေဖေ့ ကို အသိမပေးဖို့ ဆရာဝန် တောင်းပန်ပြောခဲ့တယ်တဲ့” ဇနီးသည်ရဲ့ အထီးကျန် နေ့ရက်၊ ရောဂါနဲ့ ချောက်ချားဖွယ် ဖြတ်သန်းနေရစဉ်မှာ... ကျွန်တော်ကတော့... ခရီးမသွားစေချင်တာ.. ဒါကြောင့်လား နွယ်... ရုတ်တရက်ဆိုတဲ့ စကားကို မောင် သိပ်ကြောက် နေပြီနွယ်...။ မောင်ပြန်လာတော့ နွယ့်ကိစ္စကို ရုတ်တရက် သိလိုက်ရတာပါပဲ။ ပိုဆိုးတာက မောင့်ရဲ့ မမျှတမှု၊ ဥပေက္ခာ ပြုသလို...နွယ့်အပေါ် တာဝန်မကျေမှုတွေက မောင့်ရင်ကို မီးစနဲ့ ထိုးနေခဲ့ပြီ။ နွယ့်ရဲ့ ခန္ဓာကိုယ်၊ မျက်နှာ ပြောင်းလဲမှုလေးတွေကို သတိ တစ်ချက်လေး ရှိခဲ့ပေမဲ့ သာမန် လေးလို့ ထင်ခဲ့မိတယ်။ မောင်ဟာ လူတိုင်းအပေါ် ကောင်းချင်ခဲ့ပါ တယ်။ ဒါပေမဲ့ အနီးဆုံး ဖြစ်တဲ့ နွယ့်အပေါ်မှာ... နွယ်... အချိန်တွေ ဘယ်လောက်များ ကျန်သေးလဲ နွယ်...။ မောင်...အားတဲ့ရက် နွယ်တို့ မိသားစု ခရီးထွက်ရအောင်လို့ ပြောတာကို ထွက်တာပေါ့လို့ ပြော ရင်း မောင် မစီစဉ်နိုင်ခဲ့ဘူး။ မောင့်ကို နွယ့်နှုတ်ကနေ အပြစ်တင်စမ်းပါ နွယ်...။ နေရောင်တို့က မျက်နှာ ကျက်ဆီမှတစ်ဆင့် မျက်နှာပေါ် ကျရောက်လာခဲ့ပြီ။ ကျွန်တော် မနက်ရောက်မှ တစ်ချက်လေးပဲ အိပ်ပျော်သွားမိတယ်ထင်တယ်...။ ချက်ချင်းပဲ နွယ့်ခန္ဓာ ကိုယ်နဲ့ နီးနီးကပ်ကပ် ထိတွေ့နေမှုက နွေးထွေး နေတယ်...။နွယ်နဲ့ ကျွန်တော် မျက်နှာချင်းဆိုင်ဖို့ ကျွန်တော် အားယူမိတယ်။ကျွန်တော့်ရင်ခွင်ထဲမှာ ကျောပေးထားတဲ့ နွယ်က တစ်ဖက်ကို စောင်းအိပ်နေတယ်။ စားပွဲတင်နာရီလေးကို အကြည့် ဆယ်နာရီတောင် ထိုးနေပြီ။ဒါဆို နွယ်ဗိုက်ဆာနေရော ပေါ့... ကျွန်တော် နွယ့်လက်လေး တွေကို အသာစမ်းကြည့်... ခပ် နွေးနွေးလေးပေမဲ့... ကျွန်တော်နဲ့ ပခုံးချင်းယှဉ်နေတဲ့ နွယ့်ပခုံးလေး အနိမ့်... အမြင့်...အသက်ရှူသံ...နွယ့် ခြေချောင်းလေးတွေ...ဆံနွယ်... နှုတ်ခမ်း...မျက်လုံး...ရှည်ကော့ ကော့ မျက်တောင်... ဘာဆိုဘာ မှ... ဟာ... အသက်ရှူ ရပ်သွားတော့မလောက် ကြောက်လန့် တုန်လှုပ် သွားတယ်။ နွယ့်မျက်နှာလေးကို တည့်လိုက်တယ်။ နွယ် ဘာမှမသိတော့... မျက်လုံးတွေဖြူ၊ နှုတ်ခမ်းတွေ ဖြူနေပြီ။နွယ့်အသွေးအသား..အားလုံးဟာ ပကတိအတိုင်းပေမဲ့.. နွယ် ကတော့... ကျွန်တော့်ခန္ဓာကိုယ်တစ်ခု လုံးမှာရှိတဲ့ အသွေးအသားတွေ စုပ်ယူခံလိုက်ရသလို ခံစားလိုက်ရတယ်။ သားလေးက...ငိုကြွေး...ကျွန်တော့်ရင်ခွင်ထဲမှာ နွယ်ရှိတယ်။ နွယ့် အသက်ကို နုတ်ယူ သွားတာ မောင်လားနွယ်...။ နွယ် မောင့်ကို စောင့်နေခဲ့တာ လား...မောင် နွယ့်ကို သိပ်ချစ်တယ်...နွယ်ဟာ ရုတ်တရက် မောင့်ကို စွန့်ခွာသွားတာ မဟုတ်ပါဘူး။ နွယ် အရမ်းခံစားပြီးမှ နာနာ ကျင်ကျင်နဲ့ မောင့်ကို စွန့်ခွာသွားတာ မဟုတ်လား။ မောင် ပြောချင်တဲ့စကားတွေကို ပြောခွင့်မပေးတော့ဘူးလား... နွယ်...။ မောင် သစ္စာနဲ့ အနမ်းတစ်ခု ပေးအပ်ပါရစေ...။ နွယ်မြင်ရင် မောင့်ကို လှောင်ပြုံးပြုံးမလား... သစ္စာတွေနဲ့ပဲ အထီးကျန်စွာ ဖြတ်သန်း ရဦးမှာပေါ့။ မောင်ကတိ ပေးပါတယ် နွယ်... ကျွန်တော် နောက်ဆုံးအနေနဲ့ နွယ့်ပါးပေါ် အနမ်းတစ်ခု ခြွေချခဲ့ပါတယ်။ သစ္စာပြုတဲ့အနမ်း... သစ္စာဖွဲ့ အနမ်းတွေပဲပေါ့..။